ကိုယ့်ဘဝ ကိုယ်ပြင်

ကိုယ့်ဘဝ ကိုယ်ပြင်
============

လူတိုင်း လူတိုင်း အရွယ် သုံးပါးလုံး ပြည့်စုံအောင် နေနိုင်တာ မဟုတ်ဘူး။

ပထမအရွယ်မှာသေချင်လည်းသေမယ်၊ဒုတိယအရွယ် သေချင်လည်း သေမယ်၊တတိယအရွယ် သေချင် လည်း သေမယ်။

အဲဒီတော့ အရေးကြီးဆုံးက လူ့ဘဝ ရောက်လာ လို့ အသိဉာဏ် ရှိလာပြီ ဆိုတာ နဲ့ တစ်ပြိုင်နက် ကိုယ့်ရဲ့အကျင့် စရိုက် တွေ ကို ကိုယ့်ဘာသာ ကိုယ် သိအောင် ကြိုးစားရမယ်။

ဘာကို ပြင်မှာလဲ?
°°°°°°°°°°°°°°°°°°°°°

ကိုယ့်မှာ ဘယ်လိုအကျင့်စရိုက်တွေ ရှိသလဲ?

ရာဂစရိုက် ရှိသလား၊ ဒေါသစရိုက် ရှိသလား။
မောဟစရိုက် ရှိသလားဆိုတာတွေကို သိအောင် ကြိုးစားရမယ်။

ရာဂစရိုက် ဆိုသည်မှာ အကောင်းကြိုက်တာကို ဆိုလိုတာ။

လူတိုင်းလူတိုင်း ကောင်းတာကြိုက်ပေမယ့်လို့ သူများထက် လွန်လွန်ကဲကဲ ကြီး လောဘကြီး သလား၊ အရာရာမှာ တွယ်တာမှု တွေ များ နေ သလား ဆိုတာ စဉ်းစားပြီး ရာဂစရိုက် တွေကို လျှော့ချ ပေးဖို့ လိုအပ်တယ်ပေါ့။ အဲဒီလို လျှော့ချပေးတာသည်ပြုပြင်ခြင်းတစ်မျိုးပဲ။

ဒေါသစရိုက်ရှိတဲ့ ပုဂ္ဂိုလ်က ထစ်ခနဲဆို စိတ်တို
တတ်တဲ့ ပုဂ္ဂိုလ်ဖြစ်တယ်။

အဲဒီ စိတ်တိုမှုဆိုတဲ့ ဒေါသ တွေ မိမိသန္တာန် မှာ ရှိသလား၊ ကြီးထွားနေသလား ဆိုတာ ကိုယ့် ကို ကိုယ် ဆန်းစစ်ရမယ်။

ဆန်းစစ်လို့ ရှိနေတယ် ဆိုရင်လည်းပဲ ခုဘဝမှာ ပြင်ရမယ်တဲ့။

မပြင်ဘူးဆိုရင် ဘယ်ဘဝ ရောက်ရောက် ဒေါသစရိုက် ကြီးက မပျောက်ဘဲ ဖြစ်တတ်တယ်တဲ့။

နောက်တစ်ခါ မောဟစရိုက် ဆိုတာ ဘယ်လို
ဖြစ် တာ တုန်းဆိုရင် အရာရာမှာ စဉ်းစားဆင်ခြင် မှု တွေ အားနည်းတယ်။

လုပ်သင့်တာနဲ့ မလုပ်သင့်တာကို မသိဘူး။

မသိသည့်အတွက်ကြောင့် မလုပ်သင့်တာကို လုပ်သင့်တယ်လို့ ထင်တယ်၊လုပ်သင့်တာကို
မလုပ်သင့်ဘူးလို့ထင်တယ်။

မောဟစရိုက်ရှိတဲ့ ပုဂ္ဂိုလ်မှာ ပြောလိုက်ရင်လည်း အမှား၊ ကြံတွေးလိုက်ရင်လည်း အမှား၊ လုပ်လိုက်ရင်လည်း အမှားပဲဖြစ်တယ်တဲ့။

အဲဒီလို မှားမှားယွင်းယွင်းတွေ လုပ်မိပြီး
မောဟတရား ရဲ့ လွှမ်းမိုးမှု ခံရပြီဆိုရင်..
အရာရာမှာသိမြင်နိုင်စွမ်းမရှိဘဲ အမှန်တရားဘက် မရောက်ဘဲမှားယွင်းတဲ့လုပ်ရပ်တွေ လုပ်ရင်း လုပ်ရင်းနဲ့ ဘဝမှာ နစ်မွန်း သွားနိုင်တယ်။

ဒါကြောင့်မို့ ဒီ မကောင်းတဲ့စရိုက် တွေကို ရှောင်ပြီး ကောင်းတဲ့စရိုက် တွေ ဆောင်ခြင်းဖြင့် ကိုယ့်ကိုကိုယ် ပြုပြင်ရမယ်။

ဒီကနေ့ခေတ်မှာ မြန်မာလူမျိုးတွေ ဗုဒ္ဓဘာသာဝင် မိသားစုမှာ လူ လာဖြစ်ကြတယ်။

အဲဒီလို လူ လာ ဖြစ်တဲ့အခါ မိမိတို့ရဲ့ အကျင့်စရိုက် တွေကို မိမိတို့ ကိုယ်တိုင် သိအောင် ကြိုးစားဖို့ လိုအပ်တယ်။

အခုလို တရားပွဲတွေကျင်းပပြီး တရားနာရတယ်။ တရားနာရင် အသိဉာဏ်တွေရတယ်။

အသိဉာဏ်ရတဲ့အခါ ကိုယ့်ရဲ့ စရိုက်တွေကို ကိုယ့်ဘာသာကိုယ်အကဲခတ်နိုင်တယ်။

မြတ်စွာဘုရားသခင် ကိုယ်တော်မြတ် က
ဒီစရိုက် တွေနဲ့ ပတ်သက်ပြီး ကိုယ့်ဘာသာကိုယ် သိရှိ နားလည်ပြီဆိုရင် ထိုစရိုက်ကို ပျောက်ငြိမ်း စေတတ်တဲ့ ကမ္မဌာန်းတွေလည်းပဲ အသီးသီး ပေးထားတာ တွေ ရှိတယ်ပေါ့။

"ရောဂါနဲ့ဆေး တည့်အောင်ပေး၊ ရောဂါရှိရင် ဆေးရှိတယ်” ဆိုတာလို စရိုက်ဆိုးတွေရှိရင် စရိုက်ဆိုးတွေကို ပျောက်ကင်း စေနိုင်တဲ့ ကျင့်စဉ် တွေ ရှိနေတာပဲပေါ့။

အဲဒီ ကျင့်စဉ်တွေကို နားလည်အောင် လုပ်ပြီး မိမိသန္တာန်မှာ ဖြစ်တဲ့စရိုက်ဆိုးတွေကို လျှော့ချ ပေးနိုင်ရမယ်။

အဲဒီလို မလျှော့ချနိုင်ဘူးဆိုရင် သံသရာလည်
ရတဲ့ ပုဂ္ဂိုလ် တွေသည် ဘဝမှာ အရုပ်ဆိုး အကျည်းတန် ဖြစ်သွားတတ်တယ်။
ဒါ့ကြောင့် ကိုယ့်ဘဝကိုယ်ပြင်ရမယ်။

သူများက ပြင်တယ်ဆိုတာ အကြံပေးရုံလောက်ပဲ၊ ဆုံးမဩဝါဒ ပေးရုံ လောက်ပဲဖြစ်တယ်။

အကြံပေးပေမယ့် မိမိကိုယ်တိုင်ကမပြင်သေးသမျှ အကောင်း ဘယ်တော့မှ မဖြစ်ဘူး။

မိမိကိုယ်တိုင်ပြင်မှ အကောင်းဖြစ်တယ်တဲ့။

ဘာနဲ့ ပြင်မှာလဲ?
°°°°°°°°°°°°°°°°°°°°°°

ဒါ့ကြောင့် မြတ်စွာဘုရားက “အတ္တာနဉ္စ
ပိယံ ဇညာ၊ ရက္ခေယျ နံ သုရက္ခိတံ”
ကိုယ့် ကိုကိုယ် အချစ်ဆုံးလို့ အသိအမှတ်ပြုတယ် ဆိုရင် ကိုယ့်ကိုကိုယ် ထိန်းသိမ်း စောင့်ရှောက် ပါ တဲ့။

ထိန်းသိမ်း စောင့်ရှောက်ပါ ဆိုလို့ လောကလူတွေ စောင့်ရှောက်တဲ့နည်းကတော့ အေးတဲ့ရာသီမှာ မအေးရအောင်၊ပူတဲ့ရာသီမှာ မပူရအောင် ကိုယ့်ကိုကိုယ် ထိန်းသိမ်းစောင့်ရှောက်ကြတယ်။

ကျန်းမာရေးနဲ့ ပတ်သက်ပြီးတော့ ထိန်းသိမ်း စောင့်ရှောက်ကြတယ်။

အဲဒီလို ထိန်းသိမ်း စောင့်ရှောက်မှု မျိုး သည် ရိုးရာ ထိန်းသိမ်း စောင့်ရှောက်မှု လို့ခေါ်တယ်။

မြတ်စွာဘုရား ဆိုလိုတဲ့ ထိန်းသိမ်းစောင့်ရှောက်မှု ဆိုတာ အဲဒါမျိုး ကိုပြောတာမဟုတ်ဘူး။

“သတိတရား လက်ကိုင်ထားပြီးမှားမှားယွင်းယွင်း တွေ မလုပ်မိအောင် ထိန်းသိမ်းစောင့်ရှောက်မှု”  ဖြစ်တယ်။

လောကမှာ လူဆိုတာ လောဘတွေ၊ဒေါသ
တွေ၊ မောဟတွေ လွှမ်းမိုးလာတဲ့အခါ အမှားအယွင်းတွေ ပြုလုပ်မိတတ်တယ်။

အမှားအယွင်းတွေပြုလုပ်မိသည့် အတွက်ကြောင့် ကံမကောင်း အကြောင်းမလှတဲ့ ဘဝမျိုး ရောက် သွားကြ ရတယ်။

အဲဒါမျိုးတွေ မဖြစ်အောင် ကိုယ့်ကိုကိုယ် စောင့်ရှောက်ရမယ်။

ကိုယ့်ကိုကိုယ် စောင့်ရှောက်တယ်ဆိုတာ
အဓိက က ကိုယ့်စိတ်ကို ထိန်းသိမ်း စောင့်ရှောက် တာကို ပြောတာ။

ကိုယ့်စိတ်ကို ပြုပြင်ရမယ်ပေါ့။
ဒါဖြင့် ကိုယ့်စိတ်ကို ဘယ်လိုပြင်ရမလဲလို့ဆိုရင် အာရုံနဲ့ပတ်သက်ပြီး ကိုယ့်စိတ်ဖြစ်ပုံ အခြင်းအရာ ကိုလေ့လာရမယ်။

မျက်စိနဲ့မြင်တဲ့ အမြင်အာရုံ ပေါ်မှာ ကောင်းတာ မြင်ရရင် လောဘဖြစ်လာတယ်။

မကောင်းတာ မြင်ရတဲ့အခါ ဒေါသဖြစ်လာ
တယ်။

ဒီနှစ်ခုကတော့ အလွန် ထင်ထင်ရှားရှား ဖြစ်တတ်တယ်။

ကောင်းမကောင်းဆိုတာ ကိုယ်ကြိုက် မကြိုက်
ပေါ်မှာ မူတည်တယ်ပေါ့။

ကိုယ်ကြိုက်တဲ့ အာရုံပေါ်မှာဆို လောဘဖြစ်တယ်၊ကိုယ်မကြိုက်တဲ့ အာရုံဆိုရင် ဒေါသဖြစ်တယ်။

ကိုယ့်ကိုကိုယ် စောင့်ရှောက်တယ်ဆိုတာ အဲဒီ ကြိုက်မကြိုက်အာရုံတွေပေါ်မှာလောဘမလာဖို့
၊ဒေါသမလာဖို့ ထိန်းသိမ်းစောင့်ရှောက်တာကို ပြောတာ။

ကိုယ့် သန္တာန်မှာ လောဘ၊ဒေါသ ဖြစ်လာတာကို သိရမယ်။

သိတယ် ဆိုတော့ သတိနဲ့ပညာကို အသုံးချပြီး ထိန်းသိမ်း စောင့်ရှောက်ရတယ်တဲ့။

ဒါကြောင့်မို့ မြတ်စွာဘုရားက သတိနဲ့သမ္ပ
ဇည ဒီတရားနှစ်ခုကို ဟောကြားထားတယ်။

မဟာ သတိပဌာနသုတ်မှာ သတိကောင်းအောင် လေ့လာတဲ့နည်း၊ ဆင်ခြင်ဉာဏ်ကောင်းအောင် လေ့လာတဲ့နည်းစနစ်တွေကို မြတ်စွာဘုရားက ပေးထားတယ်။

အရာခပ်သိမ်းမှာ အမှတ်တမဲ့ မနေဘဲနဲ့ ဘာလုပ်လုပ် သတိနဲ့ နေတတ်အောင် လေ့ကျင့်ဖို့ မြတ်စွာဘုရား က ဆုံးမဩဝါဒ ပေးထားတယ်။

ကျေးဇူးတော်ရှင် ပါမောက္ခချုပ်ဆရာတော်
ဒေါက်တာ နန္ဒမာလာဘိဝံသ
Credit •• khin sandar soe htut

📌အမှောင်ပျောက်၍ အလင်းရောက်ပါစေ။📌