တစ်ခါက..... ခရီးသွား ကုန်သည်အဖွဲ့တစ်ဖွဲ့ဟာ တောင်တန်းတစ်ခုကို ဖြတ်ပြီး ခရီးသွားကြရင်း မထင်မှတ်ပဲ အဖွဲ့ထဲမှ တစ်ယောက်ဟာ ခြေချော်ပြီး ချောက်ကမ်းပါးထဲကို ပြုတ်ကျသွားခဲ့တယ် ။
ပြုတ်ကျသူဟာ ချောက်ကမ်းပါးရဲ့ ထက်ဝက်မှာရှိတဲ့ ကျောက်စွယ်လေးမှာ တင်နေတယ်။ ချောက်ကမ်းပါးကြီးကလဲ အင်မတန်မှ နက်ရှိုင်းတော့ ဘယ်သူမှလဲ ဆင်းမကယ်ဝံ့ကြဘူးပေါ့ ။
ဒီတော့ ကုန်သည်အဖွဲ့က....." ပြုတ်ကျသူကို ကူညီဖို့ဟာ တကယ့်ကို မလွယ်ကူဘူး။ သူဟာ သေလူ ဖြစ်သွားပါပြီ။
ဒီတော့ သူ့အိမ်ကို ဘာများမှာချင်လဲဆိုပြီး ကမ်းပါးထိပ်ကနေ အော်ဟစ်ပြီး မေးကြမယ် " ဆိုပြီး.....
" ဟေ့လူ မင်းဟာ မကြာခင် သေရတော့မယ်။ ဒီချောက်ကမ်းပါးကြီးကို မင်း တက်နိုင်မှာ မဟုတ်ဘူး။ ငါတို့လဲ ဆင်းကယ်လို့ မရနိုင်ဘူး။ ဒီတော့ မင်းအိမ်က မိသားစုကို ဘာမှာချင်လဲပြော ငါတို့ သွားပြောပေးမယ် " လို့ အော်ပြောကြသတဲ့ ။
ဒီအချိန်မှာ ပြုတ်ကျသူဟာ ချောက်ကမ်းပါးကြီးကို ကုတ်ခြစ်ပီး တက်ဖို့ ကြိုးစားပါတော့တယ် ။
ကမ်းပါးထိပ်က အဖွဲ့ကလဲ တက်ဖို့မကြိုးစားပါနဲ့တော့ ဆက်ပြီး အောက်ကို ပြုတ်ကျလိမ့်မယ်။
မင်းအိမ်ကို မှာချင်တဲ့ စကားကိုသာ ငါ့ကိုပြောပါ။ အဖွဲ့ကရမယ့် မင်းရဲ့ ဝေစုကိုလဲ မင်းအိမ်ကို ပေးပေးပါ့မယ် " လို့ အော်ဟစ်ပြောဆိုကြပြန်တယ်။
ဒီလိုပြောလေ.....ပြုတ်ကျသူဟာ ကြိုးစားပြီး ကုတ်ခြစ်တက်လာလေပါပဲ။
ဒီလိုနဲ့ တက်လာလိုက်တာ မယုံနိုင်အောင်ပါပဲ။ သူဟာ အပေါ်ကို ရောက်လာနိုင်ခဲ့ပါတယ် ။
ဒီတော့မှ အပေါ်က သူ့အဖွဲ့ဟာ ဝမ်းသာအားရဖြစ်ပြီး -
" မင်းကို မဖြစ်နိုင်ပါဘူး။ မကြိုးစားနဲ့တော့လို့ ပြောတာကို ဂရုမစိုက်ပဲ ဘာလို့ ဇွတ်အတင်း တက်လာနိုင်ခဲ့တာလဲ " လို့ ဝိုင်းမေးကြတော့…..
" ငါဟာ နားသိပ်မကြားသူ တစ်ယောက်ပါ။ မင်းတို့ပြောတာကို ငါမကြားဘူး။ ငါက မင်းတို့ဟာ ငါ့ကို အပေါ်တက်ဖို့ တိုက်တွန်း အားပေးနေကြတာလို့ ထင်တာနဲ့ အားကြိုးမာန်တက် တက်လာခဲ့တာပါ " လို့ ပြန်ပြောလိုက်ပါတော့တယ်။
ဒီလိုပါပဲ.....ဘဝမှာ အောင်မြင်ဖို့အတွက် အခက်အခဲတွေ ပြဿနာတွေနဲ့ ရင်ဆိုင်ရတဲ့အခါ ပတ်ဝန်းကျင်ရဲ့ အထင်သေး ကဲ့ရဲ့ ထိုးနှက်ချက် စကားတွေကို လျစ်လျှူရှုပြီး သင့်ရဲ့ ခွန်အားတွေအဖြစ် အသုံးချလိုက်ပါ ။
Thi Ha🇲🇲
Credit
No comments:
Post a Comment