ကိုယ်ပိုင်နံပါတ် ၅၂ဝ၇
-----
ဒီဇာတ်လမ်းမှာ ဇာတ်ကောင်ရဲ့နာမည်ကို ပေးစရာမလိုဘူး၊ လိုလည်း မလိုအပ်ဘူးလို့ ကျုပ်ထင်တယ်။ ဘာဖြစ်လို့လဲဆိုတော့ ဒီထဲမှာရှိနေတဲ့ လူတွေကို ကျုပ်တို့က နာမည်အစား ကိုယ်ပိုင်နံပါတ်နဲ့ခေါ်လို့ပါပဲ။
“ငိုက်မနေနဲ့ကွာ အကြောင်းကြားတဲ့လူတွေ လာနေပြီ”
ဘေးက လုပ်ဖော်ကိုင်ဖက်က ကျုပ်ပခုံးကို ခပ်ကြမ်းကြမ်းလေး ပုတ်လိုက်မှ မှေးနေတဲ့ ကျုပ်မျက်လုံးကို ဖွင့်လိုက်မိတယ်။ တစ်နေ့လုံး ဒီထဲမှာပဲ တာဝန်ကျနေတဲ့အတွက် လူကလည်း နှုံးချိပင်ပန်းနေပြီ။ ကျုပ် ပျင်းကြောတစ်ချက်ဆန့်ပြီး တံခါးဘက်ဆီကို လျှောက်သွားလိုက်တယ်။
ဒီနေ့ ထောင်သားအသစ်တစ်ဦး ထပ်ရောက်လာပါတယ်။ နာမည်စာရင်းထဲက တရားခံရဲ့ကိုယ်ရေးမှတ်တမ်း အကျဉ်းကို တစ်ချက် လှန်ကြည့်လိုက်တော့ ကျုပ် မင်သက်သွားမိတယ်။ ကိုယ်ပိုင်နံပါတ်အောက်မှာ ထင်ရှားပြတ်သားအောင် ရေးထားတဲ့ စာလုံးက နှစ်လုံးထဲ “သေဒဏ်”တဲ့။ ကျုပ်ပိုအံသြသွားတာက တရားခံဟာ အသက်(၁၇)နှစ်ပဲ ရှိသေးလို့ပဲ။ အင်မတန်မှ ဖြစ်ခဲတဲ့ကိစ္စတစ်ရပ်ပါ။ ကျုပ်တာဝန်ထမ်းဆောင်လာတဲ့ သက်တမ်းတလျောက် တစ်ကြိမ်တစ်ခါမှ မကြုံခဲ့ဖူးဘူး။ ရဲသားနှစ်ယောက်ကြားက အချုပ်ခံပြီး ၀င်လာတဲ့ ငယ်ရွယ်နုနုယ်တဲ့မျက်နှာနဲ့ သူ့ကို ကျုပ်မြင်လိုက်ပါတယ်။
“ဒါ ... ၅၂ဝ၇ လားဟေ့”
“ဟုတ်ပါတယ်။ ဆရာတို့လက်ထဲ ကျွန်တော်တို့ အပ်ပါတယ်”
လွတ်နေတဲ့အခန်းထဲ တရားခံကိုထားဖို့ ကျုပ်ဦးဆောင်လိုက်တယ်။ တိတ်ဆိတ်အိပ်မောကျနေတဲ့ နံနက်ခင်းမှာ ကြမ်းပြင်ပေါ်ကို ရှပ်တိုက်သွားတဲ့ တရားခံရဲ့ ခြေထိပ်သံက နားထဲကို စူးပြီးတိုးဝင်လာတယ်။ ကျုပ် မယုံနိုင်အောင်ဘဲ မှတ်တမ်းစာအုပ်ကို ပြန်ကြည့်လိုက်မိတယ်။ အသက်(၁၇)နှစ်သာရှိပြီး ကြီးလေးတဲ့ အပြစ်ဒဏ်ကိုခံရတဲ့သူရဲ့နောက်ကြောင်း ရာဇဝင်ကို ကျုပ်စိတ်ဝင်စားသွားမိတယ်။
“နံပါတ်... ၅၂ဝ၇ မှတ်တမ်းမှာ ခင်ဗျားရဲ့ အသက်က (၁၇)နှစ်ပဲ ရှိသေးတယ်ဆိုတာ တကယ်လား”
“သေဒဏ်ဆိုမှတော့ အသက်က အတုဖြစ်ရဦးမလားဗျာ”
သူ ကျုပ်ကို ဘုကြည့်ကြည့်ပြီး ဖြေလိုက်တယ်။ သူ့ရဲ့မျက်လုံးက ကျုပ်ကို တုံးအတဲ့မေးခွန်းကို မေးနေသလားလို့ လှောင်ပြောင်နေသလိုပဲ။
“ကျုပ်က ဒီထောင်ရဲ့ လက်ထောက်ထောင်မှူးပါ။ ဒီနေရာကို ရောက်လာကြတဲ့ တရားခံတွေရဲ့ နောက်ကြောင်းရာဇဝင် ရင်ဖွင့်တာကို ကျုပ်အမြဲနားထောင်တယ်။ ခင်ဗျားရော ခင်ဗျားရဲ့ နောက်ကြောင်းတွေ ကျုပ်ကို ပြောမပြချင်ဘူးလား”
သတိလေးနဲ့ သူ့ကို ကျုပ်မေးလိုက်တယ်။ အရမ်း စိတ်ထိခိုက်ဝမ်းနည်းတဲ့ ဇာတ်လမ်းတွေလည်း ဒီနေရာမှာပဲ ကျုပ် နားထောင်ခဲ့ဖူးတယ်လေ။
“ဟင်း..........”
ပြင်းသက်တစ်ချက်ကို သူလေးတွဲ့စွာချရင်း စကားဆက်ပါတယ်။
“ကောင်းပြီလေ.. ဘယ်လိုပဲပြောပြော သေဒဏ်က သေဒဏ်ပါပဲ။ မသေခင် ကျွန်တော့် ပုံပြင်လေးကို ချန်ထားခဲ့ရလည်း မဆိုးပါဘူး”
ကျုပ်စားပွဲရှေ့က ထိုင်ခုံမှာ သူ့ကို ထိုင်ခိုင်းလိုက်တယ်။ လင်းထိန်နေတဲ့ အခန်းရဲ့ မီးရောင်အောက်မှာ သူ့မျက်နှာကို ထင်ထင်ရှားရှား ကျုပ်တွေ့လိုက်ရတယ်။ ရှင်းသန့်ပြီး ရည်မွန်နေတဲ့ သူရုပ်ရည်ဟာ ဒီလိုနေရာနဲ့ နည်းနည်းမှ မဟပ်စပ်ဘူး။ ဒီလိုနေရာဟာ ရုပ်ရည်ကြမ်းတမ်းပြီး လူဆိုးရုပ် ပေါက်နေတဲ့လူတွေသာ အလာများတဲ့နေရာပါ။ သူ့လို လိမ္မာရေးခြားရှိမယ့် လူတစ်ယောက်ဟာ ဒီလိုနေရာကို ရောက်လာတဲ့အတွက် သူ့နောက်ကြောင်း ရာဇဝင်က ကျုပ်ရဲ့သိလိုစိတ်ကို ပိုပြင်းပြစေခဲ့တယ်။ ကျုပ်ရှေ့မှာ သူဟာ တရိုတသေထိုင်ရင်း သူ့ဇာတ်လမ်းလေးကို ပြောပြပါတော့တယ်။
*******
“ကျွန်တော်ကို ပညာတတ် အဆင့်အတန်းရှိတဲ့ မိသားစုက မွေးဖွားလာခဲ့တာပါ။ ကျွန်တော့်မှာ ညီတစ်ယောက်ရှိပါတယ်။ အဲဒီလို မိသားစုက ပေါက်ဖွားလာလို့ပဲလား မသိဘူး။ ကျွန်တော်တို့ ညီအစ်ကို နှစ်ယောက်ဟာ ငယ်ငယ်လေးကတည်းက စည်းစနစ်ကြားမှာ ကြီးပြင်းလာခဲ့တယ်။ မိဘတွေက ကျွန်တော်တို့ကို လူတော်လူကောင်းတွေဖြစ်အောင် သွန်သင်ဆုံးမခဲ့တယ်။ ပညာတတ်ကြီး ဖြစ်အောင် အမျှော်လင့်ကြီး မျှော်လင့်ခဲ့ကြတယ်။ ဒါပေမဲ့ သူတို့ရဲ့ဆိုဆုံးမမှုက ကျွန်တော့်အပေါ်မှာပဲ အကျုံးဝင်ခဲ့တယ်။ ကျွန်တော့်ညီလေးအတွက် နည်းနည်းမှ အသုံးမဝင်ခဲ့ဘူး။ ညီလေးဟာ တခြားလူနဲ့ ရန်ဖြစ်ရင်ဖြစ်၊ မဖြစ်ရင်လည်း ပြဿနာအမျိုးမျိုး ဖြစ်အောင်လုပ်ခဲ့တယ်။ မိဘတွေက သူ့အတွက် ဦးနှောက် တော်တော်ခြောက်ခဲ့ရတယ်။ ကျွန်တော်ကတော့ ညီလေးနဲ့ ဆန့်ကျင်ဘက်ပါ။ ကျွန်တော်ကြီးပြင်းလာတဲ့ တစ်လျှောက်မှာ မိဘစကားကို မြေဝယ်မကျ နားထောင်ခဲ့တယ်။ အတန်းထဲမှာလည်း အမြဲတမ်း အဆင့်တစ် နေရာမှာ မြဲခဲ့တယ်။ ပြိုင်ပွဲတိုင်းမှာလည်း ဆုတံဆိပ်တွေ အမြဲ ဆွတ်ခူးနိုင်ခဲ့တယ်။
ဒါကြောင့်လည်း ဖေဖေ မေမေတို့ရဲ့အချစ်နဲ့ အလိုလိုက်မှုကို ညီလေးထက် ပိုရခဲ့တယ်။ ညီလေးကတော့ သူ့ရဲ့ဆိုးသွမ်းမှုတွေကြောင့် မိဘတွေရဲ့ဥပက္ခာပြုတာကို ခံခဲ့ရတယ်။ သူတို့ရဲ့အချစ်ဟာ ညီလေးအပေါ်မှာ အေးစက်ခဲ့တယ်။ ကျွန်တော်နဲ့ ညီလေးကြားမှာလည်း ဆက်ဆံရေးဆိုတာ မရှိသလောက်ဘဲ။ ဆက်ဆံရေးက သုညလို့ ဆိုနိုင်တယ်။ ကျွန်တော် အနားယူအိပ်စက်တဲ့အချိန်ဟာ ညီလေးအတွက် ပျော်ပါးဆိုးသွမ်းဖို့စတင်တဲ့ အချိန်ဖြစ်တယ်။ ဒါကြောင့် သူနဲ့ မျက်နှာချင်းဆိုင်တဲ့အချိန်တွေ မရှိသလောက်ဘဲ။ မျက်နှာချင်းဆိုင် မိရင်လည်း တစ်နေ့ကို စကား(၁ဝ)ခွန်း ပြည့်အောင် မပြောဖြစ်ကြဘူး။ ကျွန်တော်တို့ဟာ သွေးသားတူစပ်တဲ့ ညီအစ်ကို အရင်းခေါက်ခေါက်တွေပါ။ ဒါပေမဲ့ သူနဲ့ကျွန်တော်ရဲ့ ဆက်ဆံရေးက သူစိမ်းတွေထက်တောင် ပိုသူစိမ်းဆန်ခဲ့ကြတယ်။
ကျွန်တော် ကျောင်းတက်လာတဲ့ ကာလတလျှောက် စာတွေနဲ့ပတ်သက်ပြီး ကျွန်တော့်အတွက် ဘာအခက်အခဲမှ မရှိခဲ့ဖူးဘူး။ ဒီလိုနဲ့ တက္ကသိုလ်ဝင်ခွင့် စာမေးပွဲဖြေဖို့ အချိန်တွေ တဖြည်းဖြည်း နီးကပ်လာခဲ့တယ်။ အကောင်းဆုံး နာမည်ကြီး တက္ကသိုလ်ကိုတက်ဖို့ ကျွန်တော် မျှော်လင့်ခဲ့တယ်။ ကျွန်တော့်အရည်အချင်းနဲ့ ကျွန်တော် လုပ်နိုင်မယ်လို့လည်း ယုံကြည်ခဲ့တယ်။ သန်းခေါင်ယံညနက်အထိ ကျွန်တော် ကြိုတင်ပြင်ဆင်ခဲ့တယ်။ ကြိုးစားခဲ့တယ်။
ဒီလိုနဲ့ စာမေးပွဲစဖြေမဲ့နေ့မတိုင်ခင် ညမှာ အိပ်ရာ စောစောဝင်ဖို့ ကျွန်တော် စိတ်ကူးလိုက်တယ်။ အခန်းမီးကိုပိတ်ပြီး ကျွန်တော်အိပ်မလို ပြင်ဆင်နေတဲ့အချိန်မှာ တံခါးခေါက်သံ တိုးတိုးလေးကို ကျွန်တော် ကြားလိုက်မိတယ်။ စာမေးပွဲ ဖြေနိုင်ဖို့အတွက် ဖေဖေနဲ့မေမေ ကျွန်တော့်ကို လာအားပေးတယ်လို့ စိတ်ထဲထင်လိုက်မိတယ်။ တံခါးဖွင့်လိုက်တော့ တံခါးဝမှာရပ်နေတဲ့ညီလေးကို မမျှော်လင့်ဘဲတွေ့လိုက်တဲ့အတွက် ကျွန်တော် ထိတ်လန့်သွားမိတယ်။
“ဟာ.. ညီ မအိပ်သေးဘူးလား မေမေထင်နေတာ”
ကျွန်တော် တအံ့တသြနဲ့ မေးတော့ “ဒါ မင်းအတွက်” ဆိုပြီး ကျွန်တော်ကို နွားနို့တစ်ခွက် ကမ်းပေးတယ်။ အရင်က သူစိမ်းလို့ ဆက်ဆံခဲ့တဲ့ ညီလေးရဲ့အပြုအမူကြောင့် ကျွန်တော် မအံသြဘဲ မနေနိုင်ဘူး။
“နို့ပူပူလေးသောက်ပြီး စောစောအိပ်လိုက်.. ငါလည်း အိပ်တော့မယ်”
လှည့်ထွက်သွားတဲ့ ညီလေးရဲ့ကျောပြင်ကို ကြည့်ပြီး ကျွန်တော် မယုံကြည်နိုင်အောင် အံ့သြဝမ်းသာမိတယ်။ နို့ပူပူလေးကို တစ်ချက်ထဲကုန်အောင် ကျွန်တော် သောက်လိုက်မိတယ်။ အိပ်ရာပေါ်လဲရင်း ကျွန်တော်တို့ကြားမှာ အခေါ်အပြော နည်းခဲ့တဲ့ ညီလေးရဲ့အပြုအမူနဲ့ ဂရုစိုက်တတ်မှုကို တွေးမိပြီး ကျွန်တော် အရမ်းကြည်နူးမိတယ်။ ဘာပဲဖြစ်ဖြစ် အရေးကြုံရင် သွေးက စကားပြောတယ်ဆိုတာ ကျွန်တော်ယုံကြည်တယ်။
နောက်တစ်နေ့မှာ သူတို့ရဲ့ အားပေးမှုတွေနဲ့ စာမေးပွဲခန်းထဲကို ကျွန်တော် ရဲရဲဝံ့ဝံ့ဝင်ခဲ့တယ်။ ပထမ တစ်ဘာသာကို ကျွန်တော်ကောင်းကောင်း ဖြေနိုင်ခဲ့တယ်။ ဒုတိယ ဖြေရမှာက ကျွန်တော်အကြိုက်ဆုံး သင်္ချာပါ။ စဖြေဖို့ ခေါင်းလောင်သံကြားတာနဲ့ ကျွန်တော်ဟာ တစ်ပုဒ်ပြီးတစ်ပုဒ် ဖြေဆိုနိုင်ခဲ့တယ်။ ဖြေနေတုန်း အချိန်တစ်ဝက်ရောက်တော့ ဗိုက်က နာလာခဲ့တယ်။ စိတ်လှုပ်ရှားလို့ နာတာဖြစ်မယ်လို့ ကျွန်တော်ထင်လိုက်တယ်။ ဒါပေမဲ့ ဗိုက်က မခံမရပ်နိုင်အောင် နာလာတယ်။ မခံနိုင်တဲ့အဆုံး ဆရာ့ဆီ ခွင့်တောင်းပြီး အိမ်သာဘက်ကို ကျွန်တော် ထွက်လာခဲ့တယ်။ နာကျင်တဲ့ ဝေဒနာနဲ့ အိမ်သာမှာ ကျွန်တော် ဘယ်လောက်ကြာသွားလဲ မသိဘူး။ ဖြေတဲ့အခန်းကို ပြန်ရောက်တော့ တစ်ဝက်သာ ဖြေရသေးတဲ့ ကျွန်တော့်အဖြေလွာကို ဆရာကသိမ်းသွားလိုက်ပြီ။ ဘာလို့ ဒီလိုအချိန်မှာမှ ဗိုက်ကနာရသလဲလို့ ကျွန်တော်ကိုယ်ကျွန်တော် အပြစ်တင်မိတယ်။
အောင်မှတ်သာသာပဲ ဖြေဆိုခဲ့ရတဲ့အတွက် ကျွန်တော် ဝမ်းနည်းမိတယ်။ စိတ်အနှောင့်အယှက် ဖြစ်မိတယ်။ အဲဒီစိတ်နဲ့ပဲ နောက်ဘာသာတွေလည်း အောင်မှတ်လောက်ပဲ ကျွန်တော် ဖြေနိုင်ခဲ့တယ်။ အောင်စာရင်းထွက်တော့ နာမည်မကြီးတဲ့ တက္ကသိုလ် တစ်ခုမှာ ရိုးရိုးမေဂျာပဲ ကျွန်တော်ရခဲ့တယ်။ ကျွန်တော့်မျှော်လင့်ချက်တွေ ကမ်းကုန် ပျောက်ဆုံးသွားခဲ့တယ်။ မိဘတွေက ကျွန်တော့်ကို အပြစ်မတင်ပေမယ့် သူတို့လည်း စိတ်မကောင်းဖြစ်ခဲ့တယ်။ ကျွန်တော့်ကို သူတို့ အရမ်း မျှော်လင့်ခဲ့တယ်လေ...
အဖြစ်အပျက်တစ်ခုက မယုံကြည်နိုင်လောက်အောင် ပြောင်းလဲခဲ့တယ်။ ကျွန်တော်ထက် တစ်နှစ်ငယ်တဲ့ ကျွန်တော့်ညီက အကောင်းဆုံး၊ နာမည်အကြီးဆုံးဆိုတဲ့ တက္ကသိုလ်ရဲ့ကျောင်းသားတစ်ဦးဖြစ်ခဲ့တယ်။ သူ့ အရည်အချင်းနဲ့ ဒါဟာ မဖြစ်နိုင်ဘူး။ ဖြစ်နိုင်တာက ညီလေးဟာ စာမကြိုးစားခဲ့ဘူး။ ဒါပေမဲ့ ကျောင်းသားတွေကို အနိုင်ကျင့်ဗိုလ်ကျတဲ့ နေရာမှာ သရဖူဆောင်းခဲ့တယ်။ ဒီစာမေးပွဲဖြေတဲ့ အချိန်မှာလည်း ခိုးချရာမှာ ကူညီပေးဖို့ ကျောင်းသားတွေကို ခြိမ်းခြောက်ခဲ့ပုံရတယ်။
ဒီအဖြစ်အပျက်ရဲ့ နောက်ဆက်တွဲက ကျွန်တော့်မိဘရဲ့ အမြင်ကို ပြောင်းလဲစေခဲ့တယ်။ သူတို့ရဲ့မျှော်လင့်ချက်နဲ့ ဂရုစိုက်မှုတွေက ကျွန်တော်အပေါ် ပြောင်းလဲလာခဲ့တယ်။ ဒါပေမဲ့ သူတို့အပေါ် ကျွန်တော် အပြစ်မမြင်ရက်ခဲ့ပါဘူး။ အရင်တုန်းက မိဘတွေရဲ့ လျစ်လျူရှုခံခဲ့ရတဲ့ ညီလေးနေရာမှာ ကျွန်တော် အစားဝင်ခံစားကြည့်ပြီး ကိုယ်ချင်းစာမိတယ်။ အကောင်းဆုံးနေရာကို မရောက်ခဲ့လည်း ရောက်တဲ့နေရာကနေ အကောင်းဆုံး ဖြစ်အောင် ကျွန်တော် ကြိုးစားလို့ ရပါသေးတယ်။ အားလုံးကို ကျွန်တော် နားလည်ခဲ့ပါတယ်။
အချိန်တွေ တစ်ရွေ့ရွေ့ ကုန်ခဲ့တယ်။ တစ်နေ့မှာ ကျွန်တော်ကျောင်းက စောစောပြန်လာခဲ့တယ်။ ညီလေးလည်း အိမ်မှာရှိနေတယ်။
“ညီ နေမကောင်းဘူးလား။ ဒီအချိန်က ကျောင်းတက်တဲ့အချိန်ပဲ ကျောင်းမသွားဘူးလား” ကျွန်တော် စိုးရိမ်စိတ်နဲ့ မေးလိုက်မိတယ်။
“ငါ့ဘာသာ တက်ချင်တက်မယ်။ မတက်ချင် မတက်ဘူး။ ဒါ ငါ့လွတ်လပ်ခွင့်ပဲ မင်းမေးစရာမလိုဘူး”
“ဘာလို့ ဒီလို ပြောရတာလဲ ညီ... မင်းအခု တက်နေတဲ့ကျောင်းက နာမည်ကြီးကျောင်း၊ အရည်အချင်းရှိတဲ့ လူတွေမှ တက်လို့ရတာ။ အဲဒီကျောင်းကို တက်ရတယ်ဆိုတာ နည်းတဲ့အခွင့်အရေး မဟုတ်ဘူး။ ဒီအခွင့်အရေးကို မင်း တန်ဖိုးထားသင့်တယ်”
“အော်... မင်းရည်မှန်းခဲ့ဖူးတဲ့ အဲဒီကျောင်းက နာမည်ကြီးတဲ့လား.. ကောင်းသတင်းတော့ မဖြစ်နိုင်ဘူး။ ဆိုးသတင်းပဲ ဖြစ်ရမယ်။ မင်းလူပြိန်းပဲ... အဲဒီကျောင်းက ကျောင်းသားတွေ ရန်ဖြစ်တာ၊ ဖဲချတာ၊ အရက်သောက်တာ မင်းမှ မမြင်ဖူးတာ.. ငါ့အတွက်တော့ အဲဒီကျောင်းက ခွေးချီးပဲ”
“စကားကို ကြည့်ပြော ညီ... ကိုယ်တက်တဲ့ ကျောင်းကို မင်းဘာလို့ အဲလို အပုပ်ချရသလဲ”
“သွားစမ်းပါ... အရည်အချင်းရှိရင် မင်းလာတက်လေ... စာမေးပွဲ ဖြေနေတုန်း မင်း ဗိုက်နာခဲ့တာ ကံကောင်းတယ်မှတ်ပါ”
“ဒါ ကံတရားပဲလေ... စိတ်လှုပ်ရှားတိုင်း ငါက ဗိုက်နာတတ်တာကိုး.. မတတ်နိုင်ဘူး”
“အဲဒီ ဗိုက်နာတုန်းက မင်းစိတ်လှုပ်ရှားလို့ နာတယ် ထင်နေတာလား... စာမေးပွဲ မဖြေခင်ညက နွားနို့တစ်ခွက်ကို မင်းမှတ်မိသေးလား...။ နွားနို့ထဲ ငါဝမ်းနှုတ်ဆေး ထည့်လိုက်တာ ဟား....ဟား... မင်း တော်တော် အတဲ့ကောင် ဟား... ဟား... ဟား...”
“ဘာ... ဘာပြောတယ် ညီ... မင်းဘာလို့ အဲလို ယုတ်မာရသလဲ”
ညီလေးရဲ့စကားအဆုံးမှာ ကျွန်တော်ဟာ ကိုယ့်နားကိုမယုံနိုင်အောင် ဖြစ်မိတယ်။ ဒေါသကြောင့် သွေးတွေ နားထင်းဆီ ထောင်းခနဲ ရောက်လာတယ်။
“ ဘာဖြစ်လို့လဲ သိလား... ငယ်ရာကနေ ကြီးလာတဲ့အထိ အမေတို့က မင်းကိုပဲ ပိုချစ်ခဲ့တယ်။ ပိုဂရုစိုက်ခဲ့ကြတယ်။ ငါ့ကို ဖုတ်လေတဲ့ ငပိ ရှိတယ်လို့တောင် မထင်ကြဘူး။ ငါဘယ်လို ခံစားခဲ့ရမလဲ ကိုယ်ချင်းစာကြည့်စမ်းပါ။ အဲဒီ အငြိုးတွေနဲ့ မင်းကို ဗိုက်ပဲနာစေခဲ့တာ ကံကောင်းတယ် မှတ်ပါ။ ခုတော့ မင်းဟာ ငါ့ရဲ့ခြေဖဝါးအောက်ကပါပဲ.. ဟား..ဟား”
အဲဒီ စကားတွေ ကြားတော့ ကျွန်တော့်စိတ်ကို လုံးဝမထိန်းနိုင်တော့ဘူး။ ကျွန်တော့်အိပ်မက်၊ ကျွန်တော့်ဘဝတစ်ခုလုံးကို ဗြောင်းဆန်အောင်လုပ်ပစ်တဲ့ ညီလေးကို ကျွန်တော် မကြည့်ချင်တော့ဘူး။ ကျွန်တော် ဘာကိုမှ စဉ်းစားမနေတော့ဘူး။ နံရံဘေးမှာ ထောင်ထားတဲ့ ဘေ့စ်ဘောတုတ်ကို ယူပြီး မည်းမည်းမြင်သမျှ ကျွန်တော် ရိုက်ချလိုက်တယ်။ ကျွန်တော်ရှေ့က ညီလေးအပါအ င် အရာအားလုံး ပျောက်ကွယ်သွားအောင် မျက်စိစုံမှိတ်ပြီး အားနဲ့ ကျွန်တော်လွှဲရမ်းလိုက်တယ်။
“ဒုတ်...”
တစ်ခုခုကို ရိုက်မိသွားတဲ့ အထိအတွေ့နဲ့အတူ အရိုးအက်သွားတဲ့ အသံတိုးတိုးလေးကို ကျွန်တော် ကြားလိုက်မိတယ်။ အဲဒီအရာကိုပဲ ကျွန်တော် ဆင့်ကာဆင့်ကာ ရိုက်ချလိုက်မိတယ်။
“ရပ်လိုက်.. အဲဒါ ဖေဖေ.. ဖေဖေကို ရိုက်မိပြီ.. တော်တော့”
တုတ်ကိုဝင်ဆွဲပြီး အော်လိုက်တဲ့ ညီလေးရဲ့အသံကြားမှ ကျွန်တော် သတိဝင်လာတယ်။ အိမ်ထဲကို လှမ်းဝင်လာတဲ့ ဖေဖေ့ဦးခေါင်းကို ကျွန်တော်ရိုက်လိုက်မိတယ်။ ဆေးရုံကို ချက်ချင်းပို့ခဲ့ပေမယ့် ဦးခေါင်းခွံ ကွဲအက်သွားတဲ့အတွက် ဖေဖေအသက်ကို မကယ်နိုင်ခဲ့ဘူး။ ဖေဖေ မဆုံးခင်မှာ ကျွန်တော်နဲ့ ညီလေးရဲ့လက်ကိုကိုင်ပြီး...
“ဖေဖေ ဘယ်သူ့ကိုမှ အပြစ်မယူပါဘူး သားရယ်.. ဒါတွေ အားလုံးဟာ ဖေဖေတို့ ဖန်တီးခဲ့လို့ ခုလိုဖြစ်ရတာ။ တော်တဲ့လူကိုချီးကျူးပြီး မတော်တဲ့လူကို လျစ်လျူရှုမိတဲ့ ဖေဖေတို့ရဲ့ အမှားပါ။ ပညာဆိုတဲ့အရာနဲ့ သားတို့ရဲ့စာရိတ္တကို တိုင်းတာခဲ့ကြတယ်။ သားတို့ရှိထားတဲ့ ကိုယ်ပိုင်အရည်အချင်းတွေကို ပုံစံပြောင်းခဲ့မိကြတယ်။ ဖေဖေ မရှိတော့ရင် ချစ်ချစ်ခင်ခင် နေကြပါနော်။ မေမေကိုလည်း ဂရုစိုက်ကြပါ”
ဒေါသပို မထိန်းချုပ်နိုင်ခဲ့တဲ့ ကျွန်တော်လည်း နောက်ဆုံးတော့ အဖေ့သတ်မှုနဲ့ လူငယ်ထိန်းသိမ်းရေးစခန်းကို ရောက်ခဲ့တယ်။ နောက်ဆုံးချမှတ်လိုက်တဲ့ သေဒဏ်ဆိုတဲ့ အမိန့်နဲ့ ကျွန်တော် ဒီကို ရောက်လာခဲ့တာပဲ”
***
"ကျွန်တော်ရဲ့ပုံပြင်ကတော့ ဒါပါပဲ”
သူ့စကားအဆုံးမှာ ကျုပ်ရင်မှာ အမည်မသိ ဝေဒနာတစ်ခုကို ခံစားမိတယ်။ သူ့ညီရဲ့လုပ်ရပ်တွေကိုလည်း မယုံကြည်နိုင်အောင် အံ့သြမိတယ်။
“မင်းပုံပြင်ကို နားထောင်ရတာ အရမ်းတန်းဖိုရှိတယ်။ မင်းညီကို မင်းမုန်းလား”
“အစကတော့ ကျွန်တော် မုန်းမိတယ်။ ဒါပေမဲ့ အခုတော့ ဘာမှ မခံစားမိတော့ဘူး။ ဖြစ်လာခဲ့ ပြီးပြီပဲ။ ဖြစ်လာသမျှကို ရဲရဲ ရင်ဆိုင်ရုံပါပဲ။ အပြစ်တင် မုန်းနေလို့လည်း အရာအားလုံးက ပြန်ကောင်းသွားမှာမှ မဟုတ်တာ”
ကျုပ် အားရင် အားသလို သူနဲ့ စကားတွေ ပြောဖြစ်ခဲ့တယ်။ စာနာသနားစိတ်နဲ့ သူ့အပေါ် ကျွန်တော် သံယောဇဉ်ဖြစ်မိတယ်။ သံယောဇဉ်ဆိုတဲ့ ကြိုးတစ်ချောင်းနဲ့ ကျုပ် ထောင်စည်းကမ်းတွေကို ဖောက်ဖျက်မိနေပြီလား မပြောတတ်ဘူး။
သန်ဘက်ခါဆိုရင် (၅၂ဝ၇)ကို စီရင်မဲ့နေ့ဖြစ်တယ်။ သူ့ကို ကြည့်ရတာ တည်ငြိမ်ပြီး ထိတ်လန့်တဲ့ပုံ မပြခဲ့ဘူး။ သေဒဏ်ချခံရတဲ့ တရားခံတွေက သေမိန့်နီးလာရင် စိတ်ချောက်ချားပြီး ငိုလိုက်ရယ်လိုက် အော်နေတတ်တယ်။ တကယ့်ဆိုး တကယ့်ပေတဲ့ လူဆိုးတွေတောင် သေမှာကြောက်ကြတယ်။
"မင်း မကြောက်ဘူးလား”
“ကြောက်ရင်လည်း သေရမယ်။ မကြောက်ရင်လည်း သေရမယ့် အတူတူ ကြောက်စိတ်ကို ချွေတာလိုက်တာ ပိုမကောင်းဘူးလား”
သူ့အသက်အရွယ်နဲ့ ဒီစကားကို တည်တည်ငြိမ်ငြိမ် ပြောလိုက်တယ်။
“မင်း မသေခင် ဘာများ မှာခဲ့ချင်သလဲ.. ဥပမာ မင်းကို သပ်သပ်ရပ်ရပ် သင်္ဂြိုလ်ပေးရလား.. ဒါမှမဟုတ်... ”
“အင်း.. ကူညီနိုင်မယ်ဆိုရင် ကျွန်တော် တစ်ခုတောင်းဆိုချင်တယ်။ မသေခင်လေးမှာ ကျွန်တော် အရမ်းတက်ချင်ခဲ့တဲ့ ကျောင်းကထုတ်တဲ့ဝတ်စုံနဲ့ လွယ်အိတ်လေးကို ကျွန်တော် ဝတ်ခဲ့ဖူးချင်တယ်။ ကူညီနိုင်မလား”
“ဒါ မခက်ခဲပါဘူး။ ကျုပ်ကူညီမယ်”
အလုပ်ဆင်းတာနဲ့ ချက်ချင်းပဲ သူ့ညီလေးဆီက ကျောင်းဝတ်စုံနဲ့ လွယ်အိတ်ကိုတောင်းပြီး သူ့ကို ပေးလိုက်တယ်။
“ကျေးဇူးတင်ပါတယ်ဗျာ။ အခုဆိုရင် ကျွန်တော့်မှာ တမ်းတစရာ ဘာမှ ကျန်မနေခဲ့တော့ပါဘူး”
****
မနက် ၃နာရီ ၂၅ မိနစ်
ဝရန်တာက ခြေသံတချို့ကို ကျုပ်ကြားလိုက်မိတယ်။ (၅၂ဝ၇)ကို လာခေါ်တဲ့လူတွေ ဖြစ်မယ်။ ကျုပ်ဆီမှာ လူတောင်းဖို့ ရောက်လာကြပြီ။ ကျုပ် စိတ်မသက်မသာနဲ့ (၅၂ဝ၇)ရဲ့အခန်းရှေ့ကို ဦးဆောင် ခေါ်သွားလိုက်တယ်။
“၅၂ဝ၇ အမိန့်နာခံဖို့ ထွက်လာခဲ့ပါ”
တံခါးကို ဖွင့်ရင်း ကျုပ်အော်လိုက်တယ်။ အခန်းထဲမှာ ဘာတုံ့ပြန်သံမှ မကြားလိုက်ဘူး။ မှောင်နေတဲ့ အခန်းထောင့် တစ်နေရာမှာ ခေါင်းငိုက်စိုက်ပြီးထိုင်နေတဲ့ သူဟာ တုတ်တုတ်မှ မလှုပ်ဘူး။
“မင်းပြောတော့ သေမှာ မကြောက်ဘူးဆို...ရောက်လာမယ့်ရက်လည်း ရောက်လာခဲ့ပြီ။ ထွက်လာခဲ့ပါ ၅၂ဝ၇”
“ကြာတယ်ကွာ ဝင်ဖမ်းမယ်”
ရဲသားတစ်ဦးက စိတ်မရှည်စွာပြောပြီး အချုပ်ခန်းထဲ ဝင်ဆွဲဖို့ ဝင်လိုက်တယ်။ အခန်းထောင့်မှာ ထိုင်နေတဲ့ သူ့ကိုယ်ပေါ်ကို လက်နိုပ်ဓာတ်မီးရောင် ဖြာအကျမှာ...
“ဟာ.. မြန်မြန်.. မြန်မြန် ကယ်ပါ..”
ရဲသားရဲ့ အထိတ်တလန့် အော်သံကို ကျုပ်ကြားလိုက်တယ်။ အခန်းထဲကို ကျုပ်တဟုန်ထိုး ပြေးဝင်သွားမိတယ်။
“မရတော့ဘူး.. ဆုံးသွားပြီ”
ရဲသားတစ်ယောက်ရဲ့အသံအဆုံး ကျုပ် သူ့ကို စိတ်မကောင်းစွာ ကြည့်လိုက်မိတယ်။ ကျုပ်ယူပေးခဲ့တဲ့ ကျောင်းဝတ်စုံကို သူ့ကိုယ်ပေါ်မှာ ဝတ်ဆင်ထားတယ်။ အခန်းရဲ့လေဝင်ပေါက်က သံတိုင်တွေနဲ့ လွယ်အိတ်ကြိုးကို အသုံးပြုပြီး သူဟာ ကိုယ့်ကိုယ်ကိုယ် အဆုံးစီရင်လိုက်တယ်။ သေဆုံးသွားတဲ့ သူ့မျက်နှာပေါ်ကအပြုံးဟာ အားရကျေနပ်ကြောင်း ကျုပ်ကို ပြောနေသလိုပါပဲ။
****
ကျုပ်တို့ တွေ့ကြပြန်ပြီနော် ၅၂ဝ၇.. ဒါဟာ ၃နှစ်မြောက် ခင်ဗျားကို ကျုပ်လာကြည့်တာပဲ။ ကြည့်စမ်း... မင်းရဲ့ဘေးမှာ မြက်ရိုင်းတွေ ပေါက်လာပြန်ပြီ။ မြက်ရိုင်းတွေကို ကျုပ်ရှင်းခဲ့ရဦးမယ်။ အခုတလော ကျုပ်လည်း အလုပ်များနေတယ်။ ဟိုတစ်ခေါက်က ကိစ္စ၊ ခင်ဗျားကို ကျုပ်ကျောင်းဝတ်စုံ ယူပေးတဲ့ကိစ္စနဲ့ ပတ်သက်ပြီး ကျုပ်လည်း တာဝန်က ရပ်နားခံလိုက်ရတယ်။ ကောင်းပါတယ်လေ.. ကျုပ်လည်း အဲအလုပ်မှာ ငြီးငွေ့နေပါပြီ။ အခု ကုမ္ပဏီတစ်ခုမှာ လုပ်ရတာ ကျုပ်နေပျော်ပါတယ်။ ဟိုတစ်လောက ခင်ဗျားအိမ်ကို ကျုပ်ရောက်ခဲ့သေးတယ်။ ခင်ဗျားညီလည်း လူပြောင်းသွားသလိုပဲ တော်တော် လိမ္မာလာတယ်။ ခင်ဗျားအမေရဲ့စီးပွားရေးမှာ ကူလုပ်နေတယ်။
ကောင်းပြီလေ.. နောက်နှစ်ကျရင် ကျုပ်လာခဲ့ဦးမယ်။ ကျုပ်နာမည်ကို မှတ်ပြီး ခင်ဗျား ထွက်သွားခဲ့ပြီ။ ကျုပ်ကတော့ ခင်ဗျားရဲ့နံပါတ်ကိုပဲ မှတ်ထားခဲ့တယ် ကိုယ်ပိုင်နံပါတ် ၅၂ဝ၇ ရေ...
****
အင်တာနက်တစ်ခုပေါ်မှာ ဖတ်ခဲ့ဖူးတဲ့စာလေးပါ။ စာစရေးတဲ့ ၂ဝဝ၄ခုနှစ်လောက်မှာ ဘာသာပြန်ခဲ့ပါတယ်။ ဒီဇာတ်လမ်းကိုအရမ်းကြိုက်ခဲ့ပြီး ပြန်ဖတ်တိုင်းလည်း ရင်ထဲတစ်ခုခုကျန်စေခဲ့ပါတယ်။ ဒါပေမဲ့ မူရင်းရေးသူက ဇာတ်နာအောင်လို့ပဲလား မသိ .. ဇာတ်ကောင်ကို ၁၇ နှစ်နဲ့ သေမိန့်ချပစ်ပါတယ်။ အသက်မပြည့်သူကို သေမိန့်ချရမရ ကျွန်မလည်း မသိပါဘူး... ဒီလို အဖြစ်အပျက်နဲ့ ခပ်ဆင်ဆင်တွေလည်း အပြင်မှာ ရှိကောင်းရှိပါလိမ့်မယ်။
.
#နိုင်းနိုင်းစနေ
.
Credit
No comments:
Post a Comment