" အဖေ .. ကျောင်းက ဟိုကောင်တွေကို မကျေနပ်ဖူး.. အဖေ.."
" လာပါဦး..သားကြီးရ.. သားတောင် မာနသံတွေနဲ့ စကားဆိုတတ်နေပြီဘဲ..."
"သား..မာနတက်တာမဟုတ်ဖူး အဖေ .. မခံချင်တာ..."
" အေးပါ..သားရယ်...ကဲ..ကဲ..ဘာတွေ ဖြစ်ခဲ့ ကြုံခဲ့လဲ..အဖေ့ကို ပြောပါဦး..ကွ.."
" ကျောင်းမှာ ဟိုအရာရှိကြီးသားရယ် ဟိုသူဌေးသားရယ်အုပ်စုက သားတို့ကို မတူသလိုမတန်သလို နှိမ်နေတယ်..."
" အားဝါး... သားကို သူတို့က တိုက်ရိုက်လာပြော...လာဆက်ဆံနေသလား..သား.."
" အဖေမေးသလို သားကို ဒဲ့ လာလုပ်ကြည့်ပါ့လား... မိုးမီးလောင်သွားမှာပေါ့..အဖေ..ရ.."
" ဒါဆိုရင် သူက သားကို နှိမ်နေတယ်လို့ ဘယ်လိုသိတာလဲသား...သူများက လာပြောတာလား...ကိုယ်ဖာသာ သိတာလား...သေသေချာချာ စဉ်းစားပြီး ဖြေပေးစေချင်တယ်..သား..."
" အင်း...အဲ...သားဖာသာ သား ထင်တာပါ...အပြင်မှာ..တကယ်လဲ..ဟုတ်နေတယ်လေ..."
" ကဲ..ဟုတ်ပါပြီ..သားရယ်..သားဖြေတဲ့ အထဲမှာ သူတို့အကြောင်း မသိလိုက်ပေမဲ့ အဖေ့သား အကြောင်းတော့ သိသင့်တာတချို့ အဖေသိလိုက်ရတာ...ကျေးဇူးဘဲ..သားကြီး.."
" သားကြီးကို မိသားစုနဲ့အလှမ်းကွာတဲ့ ဘော်ဒါကျောင်းဆောင်ကို ပို့လိုက်တဲ့ အချိန် တွေ့ကြုံရမဲ့ လူတော်တော်များ အကျင့်စရိုက်တွေကို အဖေ မပြောပြမိလိုက်ဖူး.."
" ဒီလိုကွ..သားကြီး ကြုံတွေ့ရတဲ့သူတွေဟာ..."
ကြွားတတ်သူလား …
ပေးကြွားလိုက်စမ်းပါ... အခုမှ ဒီအရာသုံးဖူးသူမို့လို့လေ....။
ဂုဏ်မောက်သူလား …
ပေးမောက်လိုက်ပါ... သူဟာ ဒီအဆင့်ရောက်အောင် မနည်းကြိုးစားခဲ့ရသူမို့ပါ...။
အောက်ခြေလွတ်သူလား …
ပေးလွတ်လိုက်ပါ... သူ့ဘ၀မှာ တစ်ခုခု မပြည့်ဝခဲ့သူမို့ပါ...။
ကဲ့ရဲ့တင်းဖျင်းပြောသူလား …
နားထောင်ပေးလိုက်ပါ... သူဟာ အချိန်တွေ ဘယ်လိုအသုံးချရမလဲ နားမလည်သူတယောက်မို့ပါ...။
ဆင်းရဲနိမ့်ကျသူလား …
ဖော်ရွေပျုငှာစွာ ဆက်ဆံပေးလိုက်ပါ...သူစိတ်ထဲမှာ သိမ်ငယ်တတ်သူမို့်ပါ...။
ချမ်းသာပြည့်စုံသူလား …
နေရာပေးအလေးထားပေးလိုက်...သူ့အတွက်ရော ကိုယ့်အတွက်ပါ ပေါက်ရောက်နိုင်သူ ဖြစ်လာနိုင်တယ်လေ....။
ရိုးသားအရည်အချင်းရှိသူလား …
စောင့်ရှောက်ပေါင်းသင်းလိုက်ပါ... တချိန်ချိန်မှာ ကိုယ့်ကို အထောက်အကူပြုတတ်သူမို့ပါ...။
အောင်မြင်ကျော်ကြားသူလား …
အတုယူပါ... သူဟာ သူတပါးထက် လုံ့လ ဝီရိယရှိသူမို့ပါ...။
လိမ်တတ်သူလား …
ပေးလိမ်လိုက်ပါ... သူ့ရဲ့ ၀ိညာဉ်မှာ အမှန်တရားရဲ့ချိုမြိန်မှုကို
မခံစားတတ်သူလေ...ဝေးဝေးက ရှောင်နိုင်အောင် ကြိုးစားပါ....။
" ဒီလောက်ဆိုရင် ဘယ်လိုသူမျိုးတွေ တွေ့ခဲ့ရင် ဘယ်လို တုံ့ပြန်ရမယ်ဆိုတာ သား သိသင့်သလောက် သိသွားမယ် နားလည်သွားမယ်..လို့.. အဖေ ယုံထားမယ် သားရေ..."
( ကိုယ်ရခဲ့သမျှ အကောင်းဆုံးတွေ ရစေပိုင်စေချင် ... ကိုယ်ရင်ဆိုင်ခဲ့တဲ့ အခက်အခဲတွေ ပြဿနာမျိုးတွေ ရင်ဆိုင်ခဲ့ရင် ချောချောမွေ့မွေ့ ဖြေရှင်းတတ်စေချင်... ငါများ လောဘတွေ ကြီးနေပြီလား ဇဝေဇ၀ါ...)
#AloangSiThu
Credit
No comments:
Post a Comment