ဆရာ့ဂါထာ

ဆရာ့ဂါထာ
------------
သဲကုန်းဆရာအတတ်သင်ကျောင်းမှာ မူလတန်းဆရာဖြစ် တစ်နှစ်သင်တန်းတက်တော့ ချစ်စရာ အကောင်းဆုံး ဆရာကြီးတစ်ဦးနဲ့ တွေ့ကြုံခဲ့ရတယ်။ ဆရာကြီး ဦးခင်သော်တဲ့။ ကျွန်တော်တို့ကို အင်္ဂလိပ်စာသင်တယ်။ သူ့ကို သော်သော်ကြီးလို့ ကျွန်တော်တို့ ဆရာလောင်းတွေက ချစ်စနိုးခေါ်ကြတယ်။ လူပျိုကြီးပေါ့။

သဲကုန်းဆိုတာ ဘယ်မှလည်း သွားစရာ လည်ပတ်စရာမရှိ။ ဒီတော့ ကျွန်တော့်အတွက်ကတော့ မြို့သေးသေးလေးထဲမှာ တစ်ခုတည်းသော စာအုပ်အငှားဆိုင်လေးကို အားကိုးရတယ်။ အဲဒီစာအုပ်အငှားဆိုင် ကလည်း ကျောင်းဆရာတစ်ယောက်က ဖွင့်ထားတာပဲ။ စာရေးဆရာစုံရဲ့ ဝတ္ထုတွေ အတွဲလိုက်ရှိတယ်။ အဲဒီရောက်တော့မှ မောင်သာရ၊ တက္ကသိုလ်ဘုန်းနိုင်၊ ဗန်းမော်တင်အောင်၊ အထောက်တော်လှအောင်၊ မြသန်းတင့်စတဲ့ ဆရာတွေရေးခဲ့သမျှ စာအုပ်အားလုံးကို တစ်အုပ်မကျန် တစ်နှစ်လုံးလောက်နီးနီး ဖတ်ဖြစ်သွား တော့တာပဲ။

ဆရာအတတ်သင်မှာ ကျွန်တော် စွဲသွားတဲ့ နောက်ကစားနည်းတစ်ခုက Scrabble ပါ။ ဘယ်လောက်အထိ စွဲသလဲဆိုရင် သင်တန်းပြေးပြီးတော့တောင် ကစားတဲ့အထိဖြစ်လာတယ်။ မိုးလင်းတဲ့အထိလည်း အိပ်ပျက်ခံ ကစားလို့ မနက် PT မဆင်းနိုင် အဆူခံရတယ်။

ကျွန်တော့်အတွက်ကတော့ အင်္ဂလိပ်စာ အခံလေးကလည်းရှိ၊ ကိုယ်နဲ့မကွာဆောင်ထားတဲ့ Oxford Dictionary ကလည်းရှိဆိုတော့ နိုင်ချင်လေ၊ လေ့လာလေ တိုးမကုန်တဲ့ ဗဟုသုတတွေရလေပဲ။

ဆရာအတတ်သင်မှာ ကျွန်တော့်နောက်မှ Scrabble ကိုသင်ပြီးတော့ စွဲနေတာက ဆရာဦးခင်သော်။ သူနဲ့ ကစားဖို့အဖော်လည်းမရှိ။ ဒါကြောင့် သင်တန်းနားတာနဲ့ ရောက်လာပြီ။

“ကိုတင်ညွန့် ရေ”

ဒါဆိုရင်သိပြီ။ ဆရာ့နောက်လိုက်ခဲ့ပဲ။ ဆရာနဲ့ ကျွန်တော် သူနေတဲ့ အခန်းလေးထဲက ကုတင်ပေါ်မှာ Scrabble ကစားခဲ့ကြတာကို မမေ့ဘူး။
ကိုယ်ပဲကံကောင်းလို့လားမသိဘူး။ ကြုံခဲ့ဖူးတဲ့ ဆရာတွေက တကယ့်ဆရာတွေ ဖြစ်နေတယ်။

“ငါလည်း တစ်နေ့ သူတို့လို ဆရာမျိုးဖြစ်ရမယ်” လို့ အမြဲတွေးမိတယ်။

ကျွန်တော် ငယ်စဉ်က ဆရာအမျိုးမျိုးနဲ့ ကြုံဖူးပါတယ်။ ကျွန်တော့်ကို ကျောင်းထုတ်တဲ့ ဆရာနဲ့လည်း ကြုံဖူး တယ်။ ဒီအကြောင်းရေးခဲ့ဖူးလို့ ပြန်မပြောတော့ပါဘူး။ ကိုယ်ကျောင်းဆရာဖြစ်တော့ နှစ်ချက်ပဲစဉ်းစားတယ်။ ငါကျောင်းသားဘဝက ဖြစ်စေချင်တဲ့ဆရာ။ ငါကျောင်းသားဘဝက မဖြစ်စေချင်တဲ့ဆရာ။ အဲဒီလိုပဲတွေးပြီးတော့  ကိုယ်ဖြစ်စေချင်တဲ့ဆရာတွေပုံစံအတိုင်း နေထိုင်ပြုမူ၊ ပြောဆိုဆက်ဆံ သင်ကြားတယ်။

ကျွန်တော်စံပြုရတဲ့ဆရာထဲမှာ သော်သော်ကြီးလည်းပါတယ်။

တစ်နေ့တော့ ဆရာနဲ့ ကျွန်တော် Scrabble ကစားနေတုန်း ဆရာက စာလုံးလေးတွေ ချခင်းလိုက်တယ်။ အဲဒီ စာလုံးကလည်း အမှတ်သုံးဆရသွားလို့ ဆရာက သူ့ထုံးစံအတိုင်း

“ဟီ … ဟီ” လို့ရယ်လိုက်ပြီး

“ကျွန်တော့်ဗျာ … အဲဒီစာလုံးကိုဆက်နိုင်ဖို့  E တစ်လုံးကို စောင့်လိုက်ရတာ” လို့လည်း ပြောလိုက်သေးတယ်။

ဆရာချခင်းသွားတဲ့ စာလုံးက

RESPECT

ဆရာ့မှာ စာလုံးတွေကုန်သွားလို့ အမှတ်ပေါင်းလိုက်တယ်။ တကယ့်ကိုပါပဲ ဆရာက ကျွန်တော့် တစ်မှတ်နဲ့ ကပ်နိုင်သွားတယ်။

“ဟီ … ဟီ … တွေ့လား … တွေ့လား … E တစ်လုံးနဲ့ ကိုတင်ညွန့်တော့ ရှုံးပြီ … ဟီ … ဟီ” လို့ပြောလိုက် သေးတယ်။

ဆရာက သင်တန်းမှာ ဆရာကြီးတစ်ယောက်လို စာသင်ပေမယ့် ကျွန်တော်နဲ့ Scrabble ကစားတဲ့အခါ တကယ့် ကလေးလေးလိုဖြစ်နေတာ သဘောကျလိုက်တာ။

“ကိုတင်ညွန့်”

“ခင်ဗျာ”

“ကျွန်တော် နောက်ဆုံး ခင်ဗျားကို ကပ်နိုင်သွားတဲ့ စာလုံး အဓိပ္ပာယ်ကို သိလား”

“ဆရာရယ် ဒီလောက်ကတော့ ဆရာ့တပည့် မညံ့ပါဘူး။ လေးစားမှုကိုပြောတာပါ”

“အင်း … ခင်ဗျား အဲဒီလောက်ပဲ သိတာဆိုရင် ညံ့သေးတယ်”

“အလိုလေးဗျာ”

“နားထောင် Respect ဆိုတဲ့ စကားမှာ အဓိပ္ပာယ်တွေ အများကြီးဗျ”

“ဆရာ … နောက်တစ်ပွဲ မစသေးဘူး။ ကျွန်တော့်ကို ပြောပြ”

ဆရာက အဲဒီတော့မှာ သူ့စားပွဲပေါ်က စာရွက်လေးတစ်ရွက်ကိုယူ။ ဖောင်တိန်ကိုထုတ်ပြီး ရေးချလိုက်ပါတယ်။

R = Religion

E = Education

S = Succeeding

P = Productive

E = Exercise

C = Caring

T = Truthful

ဖောင်တိန်ကိုပိတ်။ ကျွန်တော့်ဆီကို စာရွက်လေး ကမ်းပေးလိုက်ပြီးတော့

“အဲဒါ ဆရာ့ဂါထာပဲ။ အဲဒီဂါထာကို နေ့တိုင်းရွတ်ပြီးသင်။ အောင်မြင်မယ်”

ကျွန်တော့် ဆရာဘဝခေါင်းထဲကို ကစားရင်းနဲ့ သင်ပေးသွားတဲ့ ဆရာကြီး ဦးခင်သော် (သော်သော်ကြီး) ကို ယနေ့အထိ မမေ့ဘူး။ ဆရာကြီး ခု ကျန်းကျန်းမာမာပဲလား သိချင်လိုက်တယ်။ အဝေးကပဲ ဦးချ ကန်တော့ လိုက်ပါတယ်ဆရာကြီးခင်ဗျား။

တင်ညွန့်

၈.၅.၂၀၁၈
Credit