တစ်ခါတုန်းက
ခမောက်ရောင်းသမား
တစ်ယောက်ဟာ
သူ့အိမ်ကထွက်ပြီး
ဈေးကိုသွားရောင်းတယ်။
ခမောက်တွေကို
ခြင်းကြီးနှစ်လုံးထဲမှာ
ထည့်ပြီး အလယ်က၀ါးလုံးနဲ့
လျှိုပြီးထမ်းလာတယ်။
နေပူလို့ ခမောက်တစ်လုံးကို
သူဆောင်းထားတယ် ...။
လမ်းတစ်ဝက်မှာ
ညောင်ပင်ကြီးတစ်ပင်အောက်
သူရောက်လာတယ်။
ခြင်းတောင်းကြီးနှစ်တောင်းကို
နေပူထဲမှာ ထမ်းလာရတော့
သူအလွန်မောနေပြီ။
ညောင်ပင်ကြီးရဲ့
အရိပ်အောက်ရောက်တော့
အေးမြသွားတယ်။ ခေတ္တခဏ
ထိုင်နားချင်စိတ်ပေါက်သွားတယ်။
ခြင်းတောင်းကြီးကို ပစ်ချပြီး
ညောင်ပင်ကြီးကို မှီနားလိုက်တယ်။
ခြေပစ်လက်ပစ် အနားယူရင်း
သူအိပ်ပျော်သွားတယ် ...။
အိပ်ယာကနိုးလို့ ကြည့်လိုက်တော့
သူ့ခြင်းတောင်းထဲကခမောက်တွေ
တစ်လုံးမှ မရှိတော့ဘူး ...။
သူ့ရင်ဘတ်မှာကပ်ထားတဲ့
သူ့ခမောက်ပဲကျန်တော့တယ်။
ခမောက်တွေ
ဘယ်ပျောက်သွားသလဲ
လိုက်ရှာတော့
ညောင်ပင်ပေါ်ကမျောက်တစ်အုပ်ရဲ့
ခေါင်းတွေပေါ်ရောက်ကုန်တယ်။
အဲဒီခမောက်တွေ
သူပြန်ရအောင်
ဘယ်လိုလုပ်ရပါ့မလဲ
ဆိုပြီး အကြံထုတ်တယ်။
သူက အားတဲ့အချိန်မှာ
အမြဲစာဖတ်တဲ့အကျင့်ရှိတော့
ပြဿ နာတစ်ခုကို
ခေါင်းအေးအေးထားပြီး
စဉ်းစားဖြေရှင်းတတ်တယ်။
နာရီဝက်လောက်စဉ်းစားပြီး
သူအကြံရသွားတယ်။
သူ့လက်ထဲက ခမောက်ကို
ခေါင်းပေါ်မှာ ပြန်ဆောင်းပြီး
မျောက်တွေမြင်သာတဲ့
နေရာကိုထွက်လိုက်တယ် ...။
မျောက်တွေ
မြင်လောက်ပြီထင်တော့မှ
ခမောက်ကိုချွတ်ပြီး
ခေါင်းကုတ်ပြတယ်။
မျောက်တွေကလည်း
သူ့ကို အတုခိုးပြီး
ဦးထုပ်ချွတ်
ခေါင်းကုတ်ကြတယ်။
ဒါနဲ့ပူလွန်းလို့
ခမောက်တောင်မကိုင်ချင်တဲ့ပုံစံနဲ့
သူက ခမောက်ကိုမြေကြီးပေါ်ကို
ပစ်ချလိုက်တယ် ...။
မျောက်တွေကလည်း
သူလုပ်တာမြင်ပြီး
သူတို့လက်ထဲက
ခမောက်တွေကို
ပစ်ချလိုက်ကြတယ်။
ဒီတော့မှသူဟာမျောက်တွေ
ပစ်ချတဲ့ခမောက်တွေ
အလျင်အမြန်ကောက်ပြီးခြင်းထဲ
ထည့်လိုက်တော့တယ်။
ဒီနည်းနဲ့ ...
မျောက်တွေလက်ထဲက
ခမောက်အားလုံးကို
သူပြန်ရလိုက်သတဲ့။
နောင်နှစ်ပေါင်း(၂၀)
ကြာတဲ့အခါ စောစောက
ခမောက်ရောင်းသမားကြီးရဲ့
မြေးကလေးက ...
ခမောက်အရောင်းထွက်သတဲ့။
သူ့အဘိုးအိပ်စက်နားခဲ့တဲ့
ညောင်ပင်ကြီးအောက်ရောက်တော့
ခမောက်တောင်းကိုချပြီး
အနားယူပြန်သတဲ့၊ ခြေပစ်လက်ပစ်
နားရင်း အိပ်ပျော်သွားတယ်။
အိပ်ရာကနိုးတော့ခြင်းထဲက
ခမောက်တွေ မရှိတော့ဘူး ...။
ညောင်ပင်ပေါ်ကမျောက်တွေ
ခေါင်းပေါ်ရောက်နေတယ် ...။
ဒီတော့ သူ့အဘိုး
ပြောခဲ့ဖူးတာ အမှတ်ရပြီး
သူ့အဘိုးနည်းအတိုင်း
ခမောက်တွေ
ပြန်ရအောင်ကြိုးစားတယ်။
သူက ခမောက်ကို
ချွတ်ပြီး ခေါင်းကုတ်တယ်။
မျောက်တွေကလည်း
သူ့လိုလိုက်လုပ်တယ်။
သူက ခမောက်တွေနဲ့
ယပ်ခတ်ပြပြန်တယ်။
မျောက်တွေကလည်း
သူတို့ခမောက်တွေနဲ့
ယပ်ခတ်ကြပြန်တယ်။
နောက်ဆုံးမှာ သူကလက်ထဲက
ခမောက်ကိုလွှင့်ပစ်လိုက်တယ်။
ပြီးတော့ ... သူ့လို ...
ခမောက်တွေ ပစ်ချမလားဆိုပြီး
မျောက်တွေကို မော့ကြည့်တယ်…။
ဘယ်မျောက်မှ ခမောက်ကို
ပစ်မချကြတော့ဘူး။ လက်ထဲမှာ
အသေဆုပ်ကိုင်ထားကြတယ်။
သူလည်းအံ့သြ
ငေးမောကြည့်နေတုန်း
မျောက်တစ်ကောင်က
သူပစ်ချလိုက်တဲ့
ခမောက်ကို ကောက်ပြီး
သစ်ပင်ပေါ်တက်သွားသတဲ့။
သစ်ပင်ပေါ် ပြေးမတက်ခင်
အဲဒီမျောက်က ... သူ့ကို ...
______________________________
#စကားတစ်ခွန်းပြောသွားတယ်။
______________________________
"မင်းမှာ အဘိုးရှိသလို
တို့မှာလည်း ... အဘိုးရှိတယ်
ဆိုတာ ... မမေ့နဲ့လေ"တဲ့။
အခက်အခဲတစ်ခုခုတွေ့ကြုံလို့
လုပ်နေကျ နည်းဟောင်းအတိုင်း
ဖြေရှင်းဖို့တွေးမိတဲ့အခါ ...
ဒီပုံပြင်လေးကို အမှတ်ရပါစေ။
Credit
No comments:
Post a Comment