" သူတို့ကို ကျေးဇူး တင်ပါ "
***********************
သင့်အား ထိခိုက်နာကျင်စေသူကို ကျေးဇူးတင်ပါ။
သူ့ကြောင့် သင့်စိတ်ဓာတ် ပိုကြံ့ခိုင်ခဲ့လို့ပါပဲ။
သင့်အား ခလုတ်တိုက်လဲကျစေသူကို ကျေးဇူးတင်ပါ။
သူ့ကြောင့် သင့်ခြေနှစ်ဖက် ပိုသန်မာခဲ့လို့ပါပဲ။
သင့်အား လိမ်ညာခဲ့သူကို ကျေးဇူးတင်ပါ။
သူ့ကြောင့် သင်အသိဉာဏ် ပိုတိုးခဲ့လို့ပါပဲ။
သင့်အား အထင်အမြင်သေးသူကို ကျေးဇူးတင်ပါ။
သူ့ကြောင့် သင့် ကိုယ် သင်လေးစားရမှန်း သိခဲ့လို့ပါပဲ။
သင့်အား စွန့်လွတ်ခဲ့သူကို ကျေးဇူးတင်ပါ။
သူ့ကြောင့် သင့် ကိုယ် သင် အားကိုးတတ်ခဲ့လို့ပါပဲ။
ပြီးတော့ ခေါင်းငုံ့ထားပါ။ ခေါင်ငုံ့ခြင်းသည် အရှုံးပေးခြင်း မဟုတ်ဘဲ မထင်မှတ်ဘဲ ဘဝကို ပိုပြီးတောက်ပြောင် စေပါတယ်
ဂရိပညာရှင် ဆိုကရေးတီးကို လူတစ်ဦးက…ဒီလို မေးခဲ့တယ်။
“ဒီနယ်မှာ မင်းက ပညာ အရှိဆုံးဟုတ်လား…! ဒါဆိုရင်… မင်းကို မေးမယ်။ ကောင်းကင်နဲ့ မြေကြီးရဲ့ အမြင့်က ဘယ်လောက်လဲ…?”
“၃ပေ” ……ဆိုကရေးတီး က မဆိုင်းမတွဖြေတယ်။
“၃ပေ…! ငါတို့လူတွေတောင် ၅ပေ အမြင့်ရှိကြတယ်။ ကောင်းကင်နဲ့ မြေကြီးက ၃ပေ ပဲရှိတယ်ဆိုရင်…
ငါတို့က ကောင်းကင်ကို ဖောက်ထွက်သွားကြမှာပေါ့!”
“ဟုတ်တယ်။ ဒါကြောင့် ၃ပေ ထက်မြင့်တဲ့လူတွေက ကောင်းကင်နဲ့ မြေကြီးအမြင့်ထက် မြင့်ခဲ့လို့…ခေါင်းငုံ့ဖို့ နားလည်တတ်ရမယ်” …လို့ ဆိုကရေးတီး က ပြော ခဲ့တယ်။
သူပြောတဲ့…“ခေါင်းငုံ့တတ်ရမယ်နဲ့ ခေါင်းငုံ့ဖို့… နားလည်ရမယ်”…ဆိုတဲ့စကားတွေဟာ…
သင့်မှာ ဘယ်လောက်ပဲ အရည်အချင်း ရှိနေပါစေ၊ ရာထူးအာဏာ ပြည့်စုံနေပါစေ… ကျယ်ပြောတဲ့… လောကကြီးထဲမှာ…သင်ဟာ အမှုန်လေးတစ်ခုသာ… ဖြစ်တယ်။ သေးငယ်တဲ့ အမှုန်လေးပဲဖြစ်တယ်။
ရည်ရွယ်ချက်ပန်းတိုင်ကို မြင့်မြင့်ထားလေ… လူ့ဘဝ ဇာတ်ခုံမှာ…အသံ နိမ့်နိမ့် သီဆိုရလေ၊ဘဝ အခြေအနေ ကို ချိုးနှိမ်ရလေ ဖြစ်တယ်။ မိမိကိုယ်ကို နှိမ်ချပြီး… သူတစ်ပါးကို…အလေးပေးရမှာဖြစ်တယ်။မိမိကိုယ်ကို… အထင်ကြီးသူတွေဟာ…တစ်ပါးသူရဲ့ကောင်းကွက်ကို… မမြင်တတ်သူတွေဖြစ်တယ်။မာန်မာန ဒေါသကြီးသူတွေ ဟာ လောကအလှအပကို မမြင်တတ်သူတွေဖြစ်တယ်။ ခေါင်းငုံ့ ပြီး မမောက်မာ၊မဝံ့ကြွားတတ်သူတွေကမှ… သွန်သင်ဆုံးမတာတွေကို ခံယူတတ်မယ်၊ သူတပါးရဲ့ အောင်မြင်မှုကို မုဒိတာ ပွားမယ်၊ ဝမ်းသာပီတိဖြစ်မယ်။ သူတပါးကို ကိုယ်ချင်းစာ နားလည်တတ်ပြီး အခက်အခဲ ပြဿနာတွေကို ခေါင်းအေးအေး…ရင်ဆိုင် တတ်မှာ ဖြစ်တယ်။
ထို့ကြောင့် ————
သင့်အား ထိခိုက်နာကျင်စေသူကို ကျေးဇူးတင်ပါ။
သင့်အား ခလုတ်တိုက်လဲကျစေသူကို ကျေးဇူးတင်ပါ။
သင့်အား လိမ်ညာခဲ့သူကို ကျေးဇူးတင်ပါ။
သင့်အား အထင်အမြင်သေးသူကို ကျေးဇူးတင်ပါ။
သင့်အား စွန့်လွတ်ခဲ့သူကို ကျေးဇူးတင်ပါ။
ပြီးတော့ သင် ခေါင်းငုံ့ ထားလိုက်ပါ။
ဒီလောကကြီးက သင့်အတွက်ဖြစ်လာမှာပါ။
#Credit_ဝင်းသု
No comments:
Post a Comment