ခွဲခြားဆက်ဆံခြင်း

ခွဲခြားဆက်ဆံခြင်း
_________________

လင်ကွန်းခေတ်မတိုင်ခင်တုန်းက အမေရိကန်တောင်ပိုင်းမှာ လူမည်းတိုင်းသည် ကျွန်လူတန်းစားပဲ။ဘယ်တောင်ပိုင်းသားကမှ လူမည်းတွေကို အထင်မကြီးဘူး။ကရုဏာသက်တဲ့သူတချို့ ရှိကောင်းရှိနိုင်ပေမယ့် ဘယ်လူဖြူကမှ အထင်မကြီးဘူး။ဥပဒေအရတရားဝင်ဖိနှိပ်ထားလေတော့ ဘယ်လူမည်းကမှ
 တော်မလာဘူး။ထက်မလာဘူး။

လူမည်းတွေရဲ့ စိတ်ဓာတ်သည်လည်း နိမ့်ကျခဲ့တယ်။ဖိလို့ ပိတဲ့သဘောပေါ့လေ။
ညစ်ပတ်တယ်။သူတို့ကိုယ်တိုင် ကျွန်စိတ်ဝင်နေတယ်။လူမည်းတွေဟာ စာသင်ခွင့်မရှိဘူး။
ဒါကြောင့် လူမည်းတွေက စာမတတ်ကြဘူး။

"လူလူချင်း ဘာနှိမ်စရာရှိလဲ”ဆိုတဲ့ အတွေးအခေါ်ဟာ အဲ့ဒိခေတ် အဲ့ဒိဒေသမှာ မရှိခဲ့ဘူး။
ဖိနှိပ်သူနဲ့ ဖိနှိပ်ခံသူကြားမှာ ကျေနပ်မှုရှိလေတော့ ဘာတော်လှန်ရေးမှ မရှိခဲ့ဘူး။
သိပ်ဆိုးရွားတဲ့ ကျွန်ပိုင်ရှင်ကြီးတွေရဲ့ဒဏ်က မခံနိုင်တော့တဲ့ လူမည်းတချို့ဟာ ကျွန်စနစ်မရှိတဲ့ အမေရိကန်မြောက်ပိုင်းကို ထွက်ပြေးကြတယ်။အမေရိကန်မြောက်ပိုင်းသားတွေဟာ ကျွန်စနစ်ရဲ့ လောင်းရိပ်ကနေ လွတ်ကင်းကြသူတွေမို့ အနှိပ်စက်ခံကျွန်တွေကို သနားကြတယ်။ကယ်တင်ကြတယ်။မြောက်ပိုင်းသားတွေက ကျွန်တွေကို ကယ်ထားတာကို တောင်ပိုင်းသားကျွန်ပိုင်ရှင်တွေက မကျေနပ်ကြဘူး။
ဒီတော့ တောင်ပိုင်းအစိုးရကို တိုင်ကြားပြီး ကျွန်တွေကို မကယ်တင်ရအမိန့်ကို ထုတ်ပြန်စေခဲ့တယ်။
ကယ်ခဲ့ရင် ပြစ်ဒဏ်သင့်စေပေါ့လေ။

တကယ်ခံနေရတဲ့ ကျွန်တွေဟာ သူတို့ကိုသူတို့ ခံနေရမှန်းမသိဘူး။စာမတတ်ဘူး၊အတွေးအခေါ်မရှိဘူး။သတ္တိမရှိဘူး။ ရိုက်သွင်းခံထားရတာက လူဖြူသခင်တွေကို သစ္စာရှိဖို့၊လူဖြူသခင်တွေကို ကြောက်ရွံ့ရိုသေဖို့သာ သူတို့သိတယ်။အကြောင်းကြောင်းကြောင့် စာတတ်မြောက်သွားတဲ့ ကျွန်တချို့ကတော့ မျက်စိပွင့်နားပွင့်ဖြစ်လာပြီး ကျွန်စနစ်ရဲ့ ဆိုးကျိုးကို မြင်လာတယ်။အဲ့ဒိထဲမှာ ထင်ရှားတဲ့ လူမည်းကျွန်တစ်ဦးက ဖက်ဒရစ် ဒေါက်ဂလက်စ်။
သူ့သခင်မ ဆိုဖီယာအောက စာသင်ပေးလို့ စာတတ်မြောက်ခဲ့ပြီး သူ့ကိုသူတိုးတက်အောင်ကြိုးစားတယ်။ကျွန်ဘဝကနေ သူ့ကိုသူပြန်ရွေးတယ်။သူ့သခင်ကလည်း သူ့ကိုလွှတ်ပေးခဲ့တယ်။အဲ့ဒိနောက် ကျွန်စနစ်ဆန့်ကျင်ရေးကို တစ်စိုက်မက်မက်လုပ်ခဲ့တယ်။

သူများကိစ္စဝင်မရှုပ်ချင်တော့တဲ့ မြောက်ပိုင်းသားအများစုကတော့ ကျွန်မကယ်ရ ဥပဒေထွက်ပြီးနောက်ပိုင်းမှာ ထွက်ပြေးကျွန်တွေကို ကယ်မထားတော့ဘူး။
အဲ့လိုနဲ့ ၁၈၅၂ခုနှစ်လောက်မှာ ကျွန်စနစ်ကို မုန်းတီးတဲ့ ခရစ်ယာန်သင်းအုပ်ဆရာရဲ့ သမီးက ကျွန်စနစ်ရဲ့ဆိုးကျိုးကို ဖော်ပြတဲ့ ဝတ္ထုတစ်အုပ်ရေးတယ်။ဒီစာရေးဆရာမက ဘာသာရေးယုံကြည်မှုပြင်းထန်လေတော့ ကျွန်စနစ်ဟာ သမ္မာကျမ်းစာကို ဆန့်ကျင်တယ်လို့ သူမကမြင်တယ်။ဒါကြောင့်လည်း "Uncle Tom's cabin”အမည်ရတဲ့ ဝတ္ထုတစ်ပုဒ်ရေးပြီး
ကျွန်စနစ်ဆန့်ကျင်ရေးကို လှုံ့ ဆော်ခဲ့တယ်။
အဲ့ဒိခေတ်အခါကတည်းက အမေရိကန်ဟာ စာဖတ်အားသိပ်ကောင်းတဲ့နိုင်ငံပေါ့။
၂ပတ်အတွင်းမှာ စာအုပ်၄၀၀၀၀ရောင်းကုန်တယ်။နောက်ပိုင်းမှာ မြောက်ပိုင်းသားစာတတ်သူတွေထဲမှာ ဦးလေးတွန် ဝတ္ထုကို မဖတ်ဖူးသူမရှိသလောက်ပဲ။စာမတတ်သူတွေကိုလည်း စာတတ်သူတွေက ဖတ်ပြကြတော့ မြောက်ပိုင်းသားအားလုံးနီးပါးဟာ ကျွန်စနစ်ကို မုန်းတီးသွားကြတယ်။စာရေးဆရာမနာမည်က ဟားရီးယက်စ်ဘီချာစတူး။

ဒီဝတ္ထုကျော်ကြားသွားတော့ တောင်ပိုင်းသား ကျွန်ပိုင်ရှင်ကြီးတွေက စာရေးဆရာမကို မုန်းတီးကြတယ်။
ခြိမ်းခြောက်မှုတွေပြုလုပ်ကြတယ်။တကယ်အဖိနှိပ်ခံရတဲ့ကျွန်တွေက တော်လှန်ရကောင်းမှန်းမသိခင်မှာ မဆီမဆိုင် မြောက်ပိုင်းသားတွေက ကျွန်စနစ်ဆန့်ကျင်ရေး လှုပ်ရှားမှုတွေ ပြုလုပ်လာကြတယ်။
ဒီလိုနဲ့ မြောက်ပိုင်းနဲ့တောင်ပိုင်းဟာ ကျွန်အရေးနဲ့ပတ်သက်ပြီး ပဋိပက္ခတွေမြင့်တက်လာရာက ပြည်တွင်းစစ်ဆီသို့ ဦးတည်လာခဲ့တယ်။

အေဗရာဟင်လင်ကွန်း သမ္မတဖြစ်လာတဲ့အခါ မြောက်ပိုင်းဗဟိုအစိုးရကနေ တောင်ပိုင်းအစိုးရကို ကျွန်စနစ် ဖျက်သိမ်းဖို့ရာဇသံပေးတယ်။
ဒါကို တောင်ပိုင်းအစိုးရက လက်မခံဘဲ
 ခွဲထွက်ဖို့တောင်းဆိုတယ်။
အမေရိကန်ရဲ့ ဖွဲ့စည်းပုံ အခြေခံဥပဒေမှာ.
"မည်သည့်အခါမှ ခွဲထွက်ခွင့်မရှိ”ဆိုတဲ့အချက်ပါတယ်။ဒါကြောင့် မြောက်ပိုင်းဗဟိုအစိုးရဟာ တောင်ပိုင်းအစိုးရကို သူပုန်အစိုးရအဖြစ် ကြေငြာပြီး ပြည်တွင်းစစ် စတင်ပါတော့တယ်။

စာရေးဆရာမ မာဂရက်မီချယ်ရေးတဲ့
"Gone with the wind ”ဝတ္ထုကြီးဟာ အမေရိကန်ပြည်တွင်းစစ်ကို သမိုင်းနောက်ခံထားပြီး တောင်ပိုင်းရဲ့အခြေအနေကို တင်ပြတဲ့ ဂန္ဓဝင်ဝတ္ထုကြီးပါ။(လေရူးသုန်သုန် အမည်နဲ့
ဆရာမြသန်းတင့် ဘာသာပြန်သည်)
အဲ့ဒိဝတ္ထုကို ကိုးကားပြီး တောင်ပိုင်းသားတွေရဲ့
ရှုထောင့်ကနေ တင်ပြချင်ပါသေးတယ်။

ဒီပြည်တွင်းစစ်ဟာ ကျွန်စနစ်ကို အခြေခံတဲ့ စစ်ပါ။အိုးကမပူ စလောင်းပူဆိုသလို ကျွန်တွေက မဆန့်ကျင်ရဘဲ ကျွန်မဟုတ်သူတွေက ဆန့်ကျင်ကြတဲ့အဖြစ်။
ကျွန်တွေကိုယ်တိုင်ကလည်း မြောက်ပိုင်းသားတွေကို မုန်းတီးကြတယ်။သူတို့သခင်တွေရဲ့ အကျိုးစီးပွားကို မြောက်ပိုင်းသားတွေက
 ဖျက်ဆီးတော့မှာလေ။ဒါကြောင့် ကျွန်တွေကိုယ်တိုင်က ကျွန်စနစ်ကိုဆန့်ကျင်တဲ့ မြောက်ပိုင်းသားတွေကိုမကြည်ဘူး။
တောင်ပိုင်းသားတွေဟာ လယ်ယာစိုက်ပျိုးရေးနဲ့ အသက်မွေးပြီးတော့ ရှေးရိုးစွဲသိပ်ဆန်တယ်။အယူသီးကြတယ်။ပညာရေးကို အားမပေးဘူး။ဒါကြောင့်လည်း လွတ်လပ်ပွင့်လင်းတဲ့ မြောက်ပိုင်းယဉ်ကျေးမှုကို ရှုံ့ ချပြီး မြောက်ပိုင်းသားတွေကိုလည်း အရိုင်းအစိုင်း(Yankee) လို့ သမုတ်ကြတယ်။စက်မှုဖွံ့ဖြိုးတဲ့မြောက်ပိုင်းကို မယှဉ်နိုင်မှန်း သူတို့ကိုသူတို့မသိဘူး။
ကိုယ့်ကိုယ်ကို အထင်ကြီးတယ်။မြောက်ပိုင်းကို အထင်သေးတယ်။ဒီလိုနဲ့ ပြည်တွင်းစစ် လေးနှစ်အတွင်းမှာ တောင်ပိုင်းက လူငယ်လူရွယ်တွေဟာ အသေအပျောက်များခဲ့ပြီး စစ်ရှုံးခဲ့တယ်။တောင်ပိုင်းအစိုးရက လက်နက်ချပြီးနောက် လူမည်းကျွန်တွေကို လွတ်မြောက်ခွင့်ပေးခဲ့တယ်။

မြောက်ပိုင်းဘက်က စစ်ကိုလိုလားသူတွေမှာ
နှစ်မျိုးနှစ်စားရှိတယ်။
ကျွန်စနစ်ကို တကယ်မကြိုက်လို့ တော်လှန်လိုသူနဲ့ မိမိအကျိုးစီးပွားဖြစ်ထွန်းဖို့ စစ်ကိုလိုလားသူရယ်လို့ နှစ်ပိုင်းကွဲတယ်။
ကိုယ်ကျိုးရှာ မြောက်ပိုင်းသားတွေက စစ်ပွဲအပြီးမှာ စစ်ရှုံးသူတောင်ပိုင်းသားတွေကို နှိပ်ကွပ်တယ်။ စာမတတ်ပေမတတ် ယောင်နနဖြစ်နေတဲ့ လွတ်မြောက်ခါစ လူမည်းတွေကို မြှောက်ပေးပြီး တောင်ပိုင်းကို ဆူပူစေခဲ့တယ်။

တောင်ပိုင်းက လူငယ်စစ်သားတွေခမျာမှာလည်း မနိုင်မယ့်စစ်ပွဲကို မျိုးချစ်စိတ်အပြည့်နဲ့ တိုက်ခဲ့ရခြင်းသာ။ကိုယ့်မြေရဲ့ အချုပ်အခြာအာဏာကို ကာကွယ်ဖို့ အသက်ပေးရတဲ့စစ်လား၊
ကျွန်ပိုင်ရှင်ကြီးတွေရဲ့ အကျိုးစီးပွားကို ကာကွယ်ရတဲ့စစ်လားဆိုတာကို သူတို့မသဲကွဲခဲ့ဘူး။

ကျွန်စနစ်ချုပ်ငြိမ်းဖို့အတွက် ပေးဆပ်ခဲ့ရတဲ့ အရင်းအနှီးက သိပ်ကြီးပါတယ်။စစ်မြေပြင်ဖြစ်ခဲ့တဲ့တောင်ပိုင်းဟာ နလံပြန်ထူဖို့ အချိန်တော်တော်ယူခဲ့ရတယ်။လင်ကွန်းခေတ်အပြီးမှာ လူမည်းတွေဟာ ကျွန်ဘဝက လွတ်မြောက်ခဲ့ပေမယ့် ခွဲခြားနှိမ့်ချဆက်ဆံခံနေရဆဲပဲ။
လူတော်တွေမရှိတဲ့ လူမည်းတွေဟာ ကျွန်ဘဝ လွတ်မြောက်လာသည့်တိုင် အောက်ခြေလူတန်းစားအဖြစ် ရှိနေဆဲပါပဲ။မာတင်လူသာကင်း ခေတ်မတိုင်ခင်အထိ ဖိနှိပ်ခံနေရဆဲ။
သမ္မတသက်တမ်းနဲ့ပြောရရင် လင်ကွန်းလက်ထက်ကနေ ကနေဒီလက်ထက်အထိ လူဖြူလူမဲ ခွဲခြားခံနေရဆဲပဲ။

လက်ဝှေ့ကျော် မိုဟာမက်အလီသည်လည်း ခရစ်ယာန်မိဘနှစ်ပါးက မွေးဖွားလာခဲ့ပြီးမှ
လူဖြူလူမည်းခွဲခြားဆက်ဆံမှုတွေကို မကျေနပ်လို့ အာဖရိကန်လူမည်းအများစုကိုးကွယ်တဲ့ အစ္စလာမ်ဘာသာကို ပြောင်းသွားပြီး မိုဟာမက်အလီဆိုတဲ့ နာမည်ကို ခံယူသွားခြင်းဖြစ်တယ်။

ကျနော်ဒီစာကို ဘာကြောင့်ရေးရတာလဲ။
ကျနော် က အမေရိကန်ရဲ့ လူမည်းသမိုင်းသပ်သပ်ကို တင်ပြချင်တာမဟုတ်ဘူး။
ခွဲခြားဆက်ဆံလိုခြင်းတွေဟာ ဘာကြောင့်လဲ။
ကျနော်တို့ဟာ လောင်းရိပ်မိတတ်တဲ့ သတ္တဝါတွေပါ။ကိုယ့်ကိုယ်ကို တဆင့်မြင့်ချင်တဲ့အခါ တပါးသူကို တဆင့်နှိမ့်ပစ်လိုက်တယ်။
နိုဘယ်ဆုရ အမျိုးသမီး သိပ္ပံပညာရှင် မဒမ်ကျူရီသည်လည်း အမျိုးသမီးဖြစ်လို့ဆိုပြီး နှိမ့်ချဆက်ဆံခံရဖူးတယ်။သိပ္ပံပညာရှင်လောကမှာ သူမကို နေရာမပေးလိုကြဘူး။အမျိုးသမီးမို့လို့ပါတဲ့။

သမိုင်းဟာ မအ အောင်သင်ရတဲ့အကြောင်းကို ဒေါက်တာသန်းထွန်းပြောခဲ့တယ်။
ခွဲခြားဆက်ဆံခြင်းနဲ့ပတ်သက်ပြီး ပြည်တွင်းစစ်အထိဖြစ်ခဲ့အမေရိကန်ဟာ သမိုင်းကို သင်ခန်းစာယူနိုင်ခဲ့တယ်။မေဝယ်သာဟာ လူမည်း၊
မိုက်ကယ်ဂျပ်ဆင်ဟာ လူမည်း၊အိုဘားမားဟာ လူမည်း။သူတို့တကယ်မခွဲခြားတော့ဘူး။
လူမည်းထဲကနေလည်း လူတော်တွေများစွာ
ထွက်လာခဲ့တယ်။

ကမ္ဘာဦးကနေ အခုချိန်အထိ အမျိုးသာဟာ ဦးဆောင်လွှမ်းမိုးခဲ့တယ်။သမိုင်းကိုပြန်ငဲ့ကြည့်ပါ။အမျိုးသားဟာ အမျိုးသမီးကို နေရာမပေးချင်ခဲ့လို့ သမိုင်းထဲမှာ အထင်ကရအမျိုးသမီးတွေ သိပ်ရှားပါးခဲ့တယ်။ဖိရင် ပိတတ်ပါတယ်။အမျိုးသမီးတွေ တကယ်ပိခဲ့ရတယ်။

လူမည်းတွေကို နေရာပေးလိုက်ရင် လူမည်းထဲကနေ လူတော်တွေထွက်လာနိုင်တယ်။
လူငယ်တွေကိုနေရာပေးရင် လူငယ်တွေထဲက လူတော်တွေထွက်လာနိုင်တယ်။
မိန်းမဆိုတာဖြစ်တည်မှုပါ။ရွေးချယ်မှုမဟုတ်ဘူး။ဒါကြောင့် ဘာအပြစ်မှမရှိဘူး။
ခွဲခြားနှိမ့်ချစရာမလိုဘူး။
ဒီဘက်ခေတ်တွေမှာတော့ အမျိုးသမီးတွေဟာလည်း အမျိုးသားတွေနဲ့ တန်းတူရင်ဘောင်တန်းနိုင်လာတယ်။ကျနော်တို့ လူ့အဖွဲ့အစည်းအတွက် လူတော်လူကောင်းများစွာ လိုအပ်ပါတယ်။လိုအပ်နေတဲ့လူတော်လူကောင်းတွေဟာ အမျိုးသမီးတွေထဲကလည်း ထွက်ပေါ်လာနိုင်တယ်။ဒါပေမယ့် နေရာမပေးရင်တော့ ထွက်ပေါ်လာဖို့ ဘယ်လွယ်ပါ့မလဲ။

မျိုးစေ့မှန်လို့ အပင်သန်ချင်ပါလျက်နဲ့
မြေဆီလွှာမကောင်းတဲ့မြေ၊
ရေအထောက်အပံ့မရတဲ့မြေမှာ ဆိုရင်
 သန်သင့်သလောက်ဘယ်သန်ပါ့မလဲ။
ထပ်တွေးစေချင်တယ် သူ့သဘာဝနဲ့သူ ဖြစ်တည်လာတဲ့ LGBTတွေထဲမှာရော လူတော်လူကောင်းတွေ မရှိနိုင်ဘူးလား။
ကျနော်တို့ဝိုင်းဖိထားလို့ သူတို့တွေ ပိနေရတယ်လို့ မထင်ဘူးလား။
ခွဲခြားဆက်ဆံခြင်းမရှိဘဲ တန်းတူအခွင့်အရေး ပေးနိုင်တဲ့တစ်နေ့မှာ သူတို့ထဲလည်း လူတော်လူကောင်းတွေ များစွာထွက်ပေါ်လာနိုင်ပါတယ်။

ကျနော်ကတော့ လူကောင်းလူဆိုး
နှစ်မျိုးပဲ ခွဲခြားပါတယ်။
ဖြစ်တည်မှုကိုမခွဲခြားဘူး။
လုပ်ရပ်နဲ့အရည်အချင်းကိုသာ
ခွဲခြားလိုပါတယ်။
ကောင်းတဲ့လူကိုကောင်းသလိုဆက်ဆံပြီး
ဆိုးတဲ့လူကို ဆိုးသလိုဆက်ဆံမယ်။

#Error
4.8 2019
Credit