အစ်ကို လင်းလက်ကြယ် ရေးထားတဲ့
"ကောက်ရိုး" ဝတ္ထုတို (စ/ဆုံး) ပါ။
မင်းသားက - ကောက်ရိုး
မင်းသမီးက - ဆောင်းကဗျာ
ကောက်ရိုး (ဝတ္တုတို)(ပထမပိုင်း)
---------------------------------------------
(အမှာစာ)
ပထမက ကျနော်ဟာ ဒီဝတ္တတိုလေးကို တစ်မျက်နှာဝတ္တုတိုလောက်ပဲ ရေးမလို့ပါခင်ဗျ။ရေးရင်းနဲ့ဇာတ်အိမ်လေးတွေ ချဲ့ရင်း ဝတ္တုတိုအဖြစ်ပြောင်းလဲလိုက်ရပါတယ်။ပထမဆုံး ဝတ္တုတိုအဖြစ် ရေးသားခြင်းဖြစ်သောကြောင့် ဝေဖန်သုံးသပ်ချက်များ လိုချင်ပါသည်ခင်ဗျ။စာပေချစ်မြတ်နိုးသူအားလုံးကို ချစ်မြတ်နိုးလျက်ပါ ခင်ဗျ။
---------------------------------------------------------------------------
ကောက်ရိုး(ဝတ္တုတို)
-----------------------------
အခန်း(၁)
ညကောင်းကင်ဆီမှ ထွက်ပေါ်လာသော လရောင်မှိန်မှိန်ကလေးဖြင့် ပတ်ဝန်းကျင်တစ်ခု တိတ်ဆိတ်စွာ ရှိနေသည်။ထိုအရာဖြင့် ဆန့်ကျင်စွာ ဆယ်နှစ်အရွယ်ကလေးတစ်ဦးသည် အနည်းငယ်အေးစိမ့်စိမ့်ဖြစ်နေသော ရာသီဥတုအား အံတုလျက် လက်တဖက်မှ အရည်ထည့်ထားဟန်ရှိသော ကျွတ်ကျွတ်အိတ်လေးအား ဆွဲကာ ပြေးလွှားနေသည်။စက္ကန့်ပိုင်းအနည်းငယ် ကြာပြီးသည်နောက် ထိုကလေးငယ်သည်ခဲလုံးတစ်လုံး၏ တုန့်ကန်မှုကြောင့် မှောက်ရက်လဲသွားလေသည်။
"သွားပါပြီကွာ ငါ့အဖေ ဝယ်ခိုင်းလိုက်တဲ့ အရက်တွေတော့ အကုန်မှောက်ကုန်ပြီ"
ငိုမဲ့မဲ့ဖြစ်နေသော ထိုကလေးငယ်သည် မှောက်လျက်လှဲသော ရသွားသည့် ဒူးမှဒဏ်ရာအား စိုးစဉ်းမှမပူပဲ ပြဲသွားသော ကျွတ်ကျွတ်အိတ်ကို စိတ်နာစွာဖြင့် လုံးချေလိုက်သည်
------------------------------------------------------------------------------
"တောက် ခွေးကောင်ကောက်ရိုး ငါအရက်ဝယ်ခိုင်းလိုက်တာ ခုထိ ပြန်မလာသေးဘူး ငါးမိနစ်အတွင်း ရောက်အောင်ပြန်လာခဲ့ သေချာမှာထားတာ ခုဒင်းက ဘယ်မှာသွားသေနေတာလဲ မသိဘူး ပြန်လာရင် တွေ့ကြသေးတာပေါ့ကွာ"
ဦးမိုးသောက်တစ်ယောက် တော်တော်ဒေါသပုန်ထနေပြီ ဖြစ်သည်။ထို့နောက် ရေမိုးချိူးပြီး အဝတ်အစားလဲရန်ပြင်နေသော သူ့ဇနီးအား
"ဟဲ့ကောင်မ ခင်ကြည် နင့်သားကို နင်ဘာ ထပ်မှာလိုက်သေးလဲ"
"ဘာမှ မမှာဘူး စောက်အကောင်ရဲ့။ကျူပ်လည်း ကိုယ့်အလုပ်နဲ့ကိုယ် ရှုပ်နေတာ အခုလည်း မသာအိမ်သွားအုံးမယ် ဒီညလည်း မိုးလင်းပေါက်မယ် ရှင်ဗိုက်ဆာရင် အပြင်မှာ ဝယ်စား မချက်မပြုတ်လို့စောက်ပါးစပ်မဟနဲ့ ရှင်လည်း ကျွန်မကို စောက်ဆံတစ်ပြားမှ ပေးတာမဟုတ်ဘူး"
ဒေါ်ခင်ကြည်တစ်ယောက် ထိုသို့ပြောဆိုရင်း ယိုင်နဲ့နေသော အိမ်ကလေးမှ အဆင်းတွင် ငိုမဲ့မဲ့နဲ့ သူ့သားအားတွေ့လေသည်။
"ဟဲ့အကောင် ဟိုမှာ နင့်ပထွေး(အဖေအရင်း) စောင့်နေတယ် မြန်မြန်သွားစမ်း နားပူလွန်းလို့"
ကောက်ရိုးတစ်ယောက် ခေါင်းငိုက်စိုက်ဖြင့် အိမ်အပေါ်သို့ ခပ်သုတ်သုတ် တက်သွားလေသည်။
"ဟေ့ကောင် မင်းသွားတာ ကြာလှချည်လား ဘယ်မလဲ ငါမှာလိုက်တဲ့ အရက်ထုတ်ရော"
"သား......သား ချောလဲပြီး အဖေမှာလိုက်တဲ့ အရက်ထုတ်......အရက်....ရက်.....ထုတ်.....ထုတ်က"
ကောက်ရိုးတစ်ယောက် ထစ်အနေသော စကားမဆုံးခင် ဝမ်းဗိုက်ဆီမှ နာကျင်လှသော ခံစားချက်နဲ့အတူ အိမ်ထရံဘက်သို့ လွင့်စင်သွားသည်။
"တောက် မှတ်ပြီလား ခွေးကောင် ဒါနမူနာပဲ ရှိသေးတယ် ဟာကွာမင်းက ဘာမှ စောက်အသုံးမကျတဲ့ကောင် ကဲကွာ"
နောက်တစ်ခါ မျက်နှာဝဲဘက်ဆီမှ အဖေလုပ်သူ၏ ခြေထောက်ကန်ချက်နဲ့အတူ ကောက်ရိုးတစ်ယောက် ခွေခွေလေးသာ လဲနေနိုင်ရှာတော့သည်။
"မင်းကလေ ဘာမှခိုင်းလို့မရတဲ့ ခွေးလိုကောင် ငါ့ဘာသာငါ ဆိုင်မှာသွားသောက်တာပဲ ကောင်းတယ် ခွေးကောင် အိမ်ကိုသေချာကြည့်ထား တောက်"
ကျေနပ်ဟန်မပြယ်သော်လည်း ဦးမိုးသောက်တစ်ယောက် အရက်အရမ်းသောက်ချင်သဖြင့် ဆိုင်မှာသာ သွားသောက်ဖို့ ဆုံးဖြတ်ပြီး အပြင်ဘက်သို့ ထွက်ခွာသွားတော့သည်။အရာအားလုံး ငြိမ်သက်နေပြီဟု ခံစားရသောကြောင့် ကောက်ရိုးတစ်ယောက် နာကျင်သည့် ဝေဒနာများအား တောင့်ခံ၍ မတ်တပ်ရပ်လိုက်သည်။ဝမ်းဗိုက်ဆီမှ ဗိုက်ဆာလာသဖြင့် အိမ်အနောက်ဘက် မီးဖိုးချောင်သို့ သွားကြည့်လေရာ အရင်ရက်များစွာကဲ့သို့ ဘာမှမတွေ့သဖြင့် အိမ်ရှေ့ပြန်ထွက်လာကာ ရေတစ်ခွက်အပြည့်သောက်ပြီး အိပ်ရန်ပြင်လိုက်သည်။
------------------------------------------------------------------------------
အခန်း(၂)
"ဟေ့ကောင် ကောက်ရိုးထထ ဟိုမှာ မင်းအဖေ သွားကြည့်ကြည့်အုံး"
အိပ်ချင်မူးတူးဖြင့် ကောက်ရိုးတစ်ယောက် မိမိအား လာနိုးသူ အိမ်နီးချင်း ဦးလင်းလက်ကို တွေ့လေသည်။ပတ်ဝန်းကျင်ကြည့်မိတော့ မနက်ခြောက်နာရီလောက်ရှိပြီဖြစ်ကြောင်း ခန့်မှန်းမိသည်။
"ဘာဖြစ်တာလဲ ဦးလေး အဖေဘာဖြစ်လို့လဲ"
"ဘာဖြစ်တာလဲ မမေးနဲ့တော့ အခုလမ်းထဲမှာ လူအုံနေတဲ့နေရာ မင်းသွားကြည့်ချေ"
"ဟုတ်ကဲ့ ဦးလေး"
ထိုသို့ပြောဆိုပြီး ကောက်ရိုးတစ်ယောက် အိမ်လမ်းမဘက်သို့ အလျင်အမြန်ပြေးသွားလေတော့သည်။
လူစုလူဝေးရှိနေသော နေရာအရောက်တွင် ကောက်ရိုးတစ်ယောက်
"တစ်ချက်လောက် ဖယ်ပေးကြပါ ဟင် အဖေ အဖေ ဘာဖြစ်တာလဲဟင်"
ကောက်ရိုးတစ်ယောက် ဗွက်ရာဗလပွဖြင့် ဦးမိုးသောက်အား ပွေ့ဖက်လိုက်တာ အလွန်အေးစက်တော့ အထိအတွေ့ကို ရရှိလေသည်။
"ကောက်ရိုး ကလေး စိတ်ခိုင်ခိုင်ထား ဘာဖြစ်တာလဲတော့ အဒေါ်လည်း သေချာမသိဘူး မနက်စောစော အဒေါ်ဒီနားရောက်တော့ နင့်အဖေ မြောင်းထဲမှာ ပြုတ်ကျနေတယ် အရက်နံ့လည်း ထောင်းနေတာပဲ အဲ့ဒါ နင့်အဖေကို အပေါ်ဆွဲတင်တော့ အသက်မရှိတော့ဘူး ဘယ်အချိန်ထဲက သေနေလဲတော့ အဒေါ်တို့လည်း မသိဘူး"
လမ်းထဲတွင်နေသော ပဲပြုတ်သည် ဒေါ်ပန်းခက်၏ စကားဆုံးတော့ ကောက်ရိုးတစ်ယောက်
"ဗျာ အဖေ အသက်မရှိတော့ဘူး ဟုတ်လား ဒါဆို အဖေသေသွားတာပေါ့နော်"
"ကောက်ရိုး အဒေါ်တို့လည်း စိတ်မကောင်းပါဘူးကွယ် နင့်အမေကို ငါတို့ရှာတာလည်း မတွေ့ဘူး"
ကောက်ရိုးတစ်ယောက် ထိန်းသိမ်းမရသော မျက်ရည်တို့ဖြင့်
"အဖေ.....မသေရဘူး အဖေ...ထပါအုံး ဒါကျနော်ကြောင့် ....ကျနော်......စောက်သုံးမကျလို့ ကောက်ရိုး....အသုံးမကျလို့.....ဒီလိုဖြစ်တာ ဟီး....ရွှတ်....ရွှတ်"
"ကောက်ရိုး ကောင်လေး မင်ဝအောင်ငို အားရပါးရငို စိတ်ထဲရှိသလောက် ငိုဖြစ်"
ကောက်ရိုးအား ခေါင်းပွတ်ကာ နှိမ့်သိမ့်ပေးနေသော ဦးလင်းလက်တစ်ယောက် နောက်ထပ်နာကျင်စေမည့် စကားလုံးအား ပြောသင့် မပြောသင့် စဉ်းစားနေသည်။မပြောသင့်မှန်း သိပေမယ့် မပြောလို့မဖြစ်သောကြောင့်
"ကောက်ရိုး မင်းအမေ ညက မသာအိမ်မရောက်ခင် ရဲတွေက မသင်္ကာမှုနဲ့ ဖမ်းခေါ်သွားတယ်။လိမ်လည်မှုတစ်ခုနဲ့ ပတ်သက်နေတယ်လို့ ဦးလေးကြားခဲ့ရတယ်"
"ဗျာ အမေ...မေ....ကို ရဲ...ရဲတွေ....တွေ ဖမ်းခေါ်....ခေါ်သွားပြီ.....ပြီ...ဟုတ်...ဟုတ်လား...လား...ဦး...ဦး...လေး...ဟင့်...ရွှတ်...ရွှတ်"
ဘဝဆိုသည်မှာ မြေနိမ့်ရာ ကံစိုက်တတ်သည့် သဘောလေလား။ဆယ်နှစ်အရွယ် ကလေးတစ်ယောက်၏ နာကျင်မှုဒဏ်ရာတွေက အရွယ်နဲ့မမျှချေ။ကိုယ့်ဝမ်းနာ ကိုယ်သာသိဆိုသလို ကိုယ်လည် ကိုယ့်အပူနဲ့ကိုယ်မို့ ဦးလင်းလက်တစ်ယောက် ကောက်ရိုးလေးအား နှိမ့်သိမ့်ရုံမှတပါး.....။
------------------------------------------------------------------------------
အခန်း(၃)
အခု ဒီအိမ်လေးမှာ ကျနော်တစ်ယောက်ထဲရယ်။အမြဲရိုက်နှက်တတ်သော အဖေ၏ အသုဘ ကိစ္စကို ရပ်ကွက်ထဲမှာ လူကြီး၏ ဦးဆောင်မှုဖြင့် မနေ့က အဆုံးသတ်သွားပြီ ဖြစ်သည်။အမြဲဆူပူ ကြိမ်းမောင်းတတ်သော အမေဖြစ်သူ သတင်းမှာ ရဲများက ဖမ်းခေါ်သွားသည်မှ လွဲ၍ နောက်ဆက်တွဲ သတင်းမကြားရတော့။ဖြစ်နိုင်ရင် ကျနော် အရိုက်ခံပြီး ဒဏ်ရာတွေနဲ့ အသက်ရှင်နေပါရစေ။ကျနော့်အဖေနဲ့အမေကို ပြန်ခေါ်ပေးပါလား လောကကြီးရယ်ဟု ကျနော်တွေးနေမိတုန်း
"ဟဲ့ ကောက်ရိုးရေ ကောက်ရိုး"
"ဗျာ အန်တီဖြူ"
ကောက်ရိုးတစ်ယောက် ပျာပျာသလဲပြန်ထူရင်း မိမိနေသော အိမ်၏ပိုင်ရှင်ဖြစ်သော ဒေါ်ဖြူစင်အား ခေါင်းငုံ့ကာ ခရီးဦးကြိုလိုက်သည်။
"ဒီမယ် ကောက်ရိုး နင့်အဖေ အသုဘပြီးပြီးချင်း ဒီကိစ္စကို ငါမပြောချင်ပါဘူး ဒါပေမယ့် နင့်အဖေနဲ့နင့်အမေ ရှိခဲ့တုန်းကလည်း ငါ့ကိုအိမ်လခမပေးတာ သုံးလရှိပြီ အဲ့တော့ ငါစိတ်မကောင်းစွာနဲ့ ပြောလိုက်မယ် မနက်ဖြန် ဒီအိမ်ကို လူအသစ်တင်မယ် ညနေကြရင် နင်ပိုင်တဲ့ ပစ္စည်းယူပြီး ဆင်းသွားပေးပါ ကောက်ရိုး"
"ဟုတ်ကဲ့ပါ အန်တီဖြူ"
ထိုစကားမှလွဲ၍ ကျနော်ဘာများထပ်ပြောခွင့် ရှိမည်နည်း။ကျနော်ပိုင်တဲ့ပစ္စည်းဆိုလို့ ချူပ်ရာဗလပွနဲ့ အင်္ကျီလေးနှစ်ထည်နဲ့ အဖေ့ရဲ့ခပ်နွမ်းနွမ်း လုံချည်လေးနှစ်ထည်ပဲ ရှိတာပါ။
"ငါသွားတော့မယ် ကောက်ရိုး ငါမှာထားတာ မမေ့နဲ့နော်"
"ဟုတ်ကဲ့ပါ"
ထွက်ခွာသွားသော အန်တီဖြူအား ကောက်ရိုးငေးကြည့်ရင်း ထိန်းမရသော မျက်ရည်တချိူ့အား သွန်ထုတ်ပစ်လိုက်သည်။
------------------------------------------------------------------------------
ကျနော့်နာမည် ကောက်ရိုးတဲ့။နွားတွေစားသုံးသော ကောက်ရိုးတွေလို ဘာမှတန်ဖိုးမရှိတဲ့ကောင်ဆိုပြီး အဖေကိုယ်တိုင် မှည့်ပေးခဲ့တဲ့ နာမည်လေးပါ။အခု ကျနော်တစ်ယောက်တည်း အိုးမဲ့အိမ်မဲ့ မိဘမဲ့ လမ်းပေါ်ရောက်ခဲ့ပြီ။ကျနော်ဘယ်သွားရမလဲ။
ဦးတည်ရာမဲ့သော ခြေလှမ်းတွေဖြင့် ဆယ်နှစ်အရွယ်ကောင်လေးတစ်ယောက် ဘဝရဲ့နှိပ်စက်မှုဒဏ်ရာတွေထွေးပိုက်ရင်းနဲ့ ခြေလှမ်းတွေက ယိုင်တိုင်တိုင် နဲ့တဲ့တဲ့
"ဦးလေးရယ် ကျနော်ဗိုက်အရမ်းဆာလို့ မုန့်လေးတစ်ခုလောက် ကျွေးပါလား"
ဘယ်လိုမှ ဗိုက်ဆာသည့်ဒဏ်ကို မခံနိုင်သောကြောင့် နီးစပ်ရာ မုန့်ဆိုင်လေးတစ်ဆိုင်မှာ ကျနော်တောင်းစားနေခြင်းပါ။ဆိုင်ရှင် ဦးလေးကြီးက ရုတ်တရက် ကြောင်သွားပုံရသည် ထို့နောက်
"မင်းကဘယ်ကလဲ ဘာကောင်လဲဟ ဈေးရောင်းနေတာ အလှူလုပ်နေတာ မဟုတ်ဘူး သွား သွား သွား"
စားစရာတစ်ခုခု မရသည့်အပြင် အအော်ခံလိုက်ရသောကြောင့် ပြိုတော့မည့်မိုးက ကျနော်မျက်ဝန်းမှာ စို့လာသည်။ကျလုဆဲဆဲ မျက်ရည်စအား ခေါင်းငိုက်စိုက်ကာ ဖုံးကွယ်ပြီး ထိုဆိုင်ကလေးမှ ပြန်အထွက်
"အွန့်"
ရုတ်တရက် ကျနော့်ခေါင်းက တစ်စုံတစ်ယောက်အား တိုက်မိသွားသည်။
"ကောင်လေး မင်းက တယ်ပျော့ညံ့တာကို ဒီမှာကြည့်နေ"
ကျနော်တိုက်မိသော ဦးလေးကြီးက စောစောက ကျနော်တောင်းစားသော မုန့်ဆိုင်ထဲဝင်သွားသည်။
"ဟေ့ကောင် မင်းမှာ ကိုယ်ချင်းစာစိတ်မရှိဘူးလား ဒီကလေးက တော်တော်ဆာနေတဲ့ ပုံစံလေးကွ"
"ဗျာ ကိုငပွေး ဟုတ်ကဲ့ ကျနော်သေချာမကြည့်လိုက်လို့ပါ တောင်းပန်ပါတယ် ကိုငပွေး"
"ခုမှ ဘာဘာညာညာ လာရှင်းပြမနေနဲ့ မင်းကွာ ငါလုပ်ရင်သေတော့မယ် တောက် ပေးစမ်း မင်းဆိုင်ကမုန့် ဆယ်ခုလောက်"
"ဟုတ် ဟုတ်ကဲ့ ကိုငပွေးကြိုက်တာ ဖြုတ်ယူသွားပါ စောစောက ကိစ္စလည်း ကျနော်တောင်းပန်ပါတယ် ခင်ဗျာ"
"အေး ဒီတစ်ခါ မင်းအချိူးက နောက်ဆုံးဖြစ်ပါစေ ငပွေးအကြောင်းကို မင်းသိတယ်နော် မင်း ကြပ်ကြပ်သတိထားနေ"
စကားသုံးလေးခွန်းလောက်ပြောပြီး မုန့်တွေအများကြီနဲ့ စောစောက ကျနော်တိုက်မိသော ဦးလေးကြီးပြန်ထွက်လာသည်။
"ကောင်လေး မင်းဗိုက်အရမ်းဆာနေတာမှတ်လား ဟိုးမှာ ညောင်ပင်ရိပ်ကိုသွားမယ်လာ"
"ဟုတ်ကဲ့ ဦးလေး"
အငမ်းမရစားနေသော ကလေးတစ်ယောက်အား ကျနော်ကြည့်ရင်း အံ့ဩနေမိသည်။သူတော်တော် ဗိုက်ဆာနေပါလား။ဘာဖြစ်လို့ အဲ့လိုဖြစ်နေတာလဲ။သိချင်စိတ်ကို ထိန်းမရတော့
"ကောင်လေး မင်းထမင်းမစားရတာ ဘယ်နှစ်ရက်ရှိပြီလဲ"
လက်သုံးချောင်းထောင်ပြသော ထိုကလေးအား ကျနော်ပို၍ ဂရုဏာ သက်သွားမိသည်။
"မင်းရဲ့မိဘတွေက မင်းကို ထမင်းမကျွေးဘူးလားကွ"
ထိုကောင်လေးဆီမှ ချက်ချင်းဆိုသလို မျက်ရည်များဝဲတက်လာသည်ကို ကျနော်တွေ့ရသည်။
"ကျနော့်အဖေက လွန်ခဲ့တဲ့ ဆယ်ရက်လောက်က သေသွားပါပြီ အမေက ရဲတွေဖမ်းသွားတယ်လို့ပဲ သိရတယ် ဦးလေး"
"ဟာ မင်းအဖြစ်ကလည်းကွာ ဒါနဲ့ မင်းအိမ်မှာ တခြားလူကြီးသူမတွေ မရှိဘူးလားကွ"
"ကျနော်လူမှန်းသိတတ်စတည်းက အရက်အမြဲမူးတတ်တဲ့အဖေနဲ့ အမြဲတမ်းဖဲဝိုင်းသွားတတ်တဲ့ အမေပဲ ရှိခဲ့တာပါ လမ်းထဲက ရွယ်တူကလေးတွေတောင် ကျနော်နဲ့အပေါင်းအသင်းမလုပ်ကြဘူး ဆွေမျိူးဆိုတာ နာမည်ပဲကြားဘူးတာပါ။ကျောင်းဆိုတာ ဘာအရောင်မှန်း မသိတဲ့ကောင်ပါ ဦးလေး"
"ဟာကွာ ငါ့ကိုယ်ငါ ကံဆိုးတယ်ထင်နေတာ မင်းက ငါ့ထက်ပိုဆိုး ဒါဆို လမ်းမပေါ် မင်းလျောက်သွားနေတာပေါ့"
"ဟုတ်ကဲ့ ဦးလေး ကျနော်က အိမ်မရှိ ယာမရှိ မိဘမရှိ ဆွေးမျိူးမဲ့နေတဲ့ တစ်ကောင်ကြွက် ကောက်ရိုးပါ"
"ကောက်ရိုး မင်းနာမည် ကောက်ရိုးတဲ့လား"
"ဟုတ်ကဲ့ ဦးလေး"
"ကောင်းတယ်ကွာ ငါ့နာမည်က ငပွေး ငါကမဟုတ်ရင်မခံဘူး ဟုတ်လည်းမခံဘူး ရပ်ကွက်က ငါကိုပေးထားတဲ့နာမည်က လူမိုက်ငပွေးတဲ့ ငါလည်းမင်းလို တစ်ကောင်ကြွက်ပဲ ဒါပေမယ့် စောစောက မင်းလို မတောင်းစားဘူး လုတယ် ရိုက်တယ် မင်းနာလည်အောင်ပြောရရင် မိုက်တာပေါ့ကွာ မင်းငါနဲ့ လိုက်ခဲ့ကောက်ရိုး မင်းကိုငါ မွေးစားမယ် အုပ်စုလိုက်ဝိုင်းအနိုင်ကျင့်တတ်တဲ့ လူတွေရဲ့အကျင့်ကြောင့် မင်းလည်းငါ့လို လူမိုက်လုပ်ရမယ် ဘယ်လိုလဲ မင်းလိုက်မယ်မှတ်လား"
ခေတ္တမျ ကောက်ရိုးတစ်ယောက် စဉ်းစားသည်။ဘာပဲဖြစ်ဖြစ် လောကကြီးထဲတွင် အခုလို လမ်းလျောက်နေတာထက်စာရင် သူ့ကိုပထမဆုံး ဖေမကူညီသော လူမိုက်ဆိုသည့်လူကြီးထံ လိုက်သွားရန် ဆုံးဖြတ်လိုက်သည်။
"ကျနော်လိုက်မယ် ဦးလေး"
"ဒါပဲပေါ့ကွ ကဲ ငပွေးနဲ့ ကောက်ရိုး ကောက်ရိုးနဲ့ငပွေး လောကကြီးမှာ လူမိုက်ဆက်လုပ်မယ်ကွ ဟား ဟား ဟား"
------------------------------------------------------------------------------
(ဆယ်နှစ်ခန့်ကြာသောအခါ)
အခန်း(၄)
"ဟေ့ကောင် မိုးစက် အဲ့ကောင်ကို ဒီနားဂုတ်ဆွဲခေါ်ခဲ့စမ်း"
အနားသို့ရောက်လာသော တပည့်မိုးစက်၏ ဂုတ်ဆွဲခြင်းခံရသော ကောင်၏ မျက်နှာအား လက်ဝါးစောင်းဖြင့်
"ဖြောင်း"
"အား ကျနော်နောက် အဲ့လို မလုပ်တော့ပါဘူး အကိုကောက်ရိုး"
"အေး နောက်တစ်ခါဆို မြတင့်ရဲ့ညီမ မြစန်းနဲ့အရိပ်နားကပ်တာ တွေ့တာနဲ့ မင်းဒီထက်ပိုနာမယ် ထွီ"
မျက်နှာပေါ်တွင် ကွမ်းတံတွေးများ ပေပွသွားသော်လည်း တုတ်တုတ်မျမလှုပ်ရဲပဲ စောစောက ကျနော်ရိုက်လိုက်သော နေရာအား လက်လေးဖြင့်အုပ်ပြီး ခပ်ကုတ်ကုတ်ဖြင့်
"ဟုတ်ကဲ့ပါ အကိုကောက်ရိုး နောက်ဆို ကျနော် ဘယ်တော့မှ မြစန်းကို မနှောက်ယှက်တော့ပါဘူး ကတိပေးပါတယ်"
"အေး ပြောတဲ့စကားအတိုင်းမတည်ရင် မင်း ကောက်ရိုးအကြောင်းသိတယ်နော် သွား ငါ့ရှေ့က မြန်မြန်ဆန်ဆန် ထွက်သွားတော့"
သိတယ်မလား ကျနော်ကောက်ရိုးလေ။ရပ်ကွက်ထဲခေါ်ကြတာက ကျနော့်ကို လူမိုက်ကောက်ရိုးတဲ့ ဟား ဟား ဟား။လူတွေ လူတွေ ကြောက်တတ်လိုက်ကြတာ။ကြောက်တတ်တဲ့သူတွေကို ဖြဲခြောက်ရတာ ပိုအရသာရှိတယ်လို့ ကျနော့်ရဲ့ ဦလေးငပွေးပြောဖူးတယ်ဗျ။ဒါကြောင့် ကျနော် ဘယ်တော့မှ ကြောက်တဲ့ဘက်မှာ မနေဖူး။ကျနော်ဦးလေး ငပွေးမသေခင်က သူ့ပညာတွေ အကုန်သင်ပေးခဲ့တာ။အခု ကျနော်ကိုယ်တိုင် ဦးလေးငပွေးလို နေရာရောက်နေပြီလေ။ဒါပေမယ့် သူတပါးရဲ့ ခိုးကြောင်ခိုးဝှက် ဓားထိုးခံရလို့သေသွားတဲ့ ဦးလေးငပွေးလိုတော့ ကျနော်အဖြစ်မခံဘူးဗျာ။အမြဲသတိရှိတယ်။လွန်ခဲ့တဲ့ ဆယ်နှစ်လောက်က မုန့်ကလေးတစ်ခုတောင် တောင်းစားလို့မရတဲ့ ကောက်ရိုးမဟုတ်တော့ဘူးဗျ။မကောင်းတာ မှန်သမျ လုပ်တဲ့ လူမိုက်ကောက်ရိုးဖြစ်နေပြီလေ။အရက်သောက်တယ် ဖဲရိုက်တယ် ဥာည့်နက်မယ်တွေနဲ့ပျော်ပါးတယ် မကောင်းတာဆို အကုန်လုပ်တယ်ဗျာ။ကျနော့်ဆီမှာ တပည့်တပန်းတွေမှ တပုံကြီး။ဥပဒေလား အသပြာနဲ့ပိတ်ထားရင် ကောက်ရိုးကသေဆိုသေ ရှင်ဆိုရှင် စာအုပ်လေးပါဗျာ။အခုလည်း ကြည့်လေ
"အကိုကောာက်ရိုး လက်သံပြောင်ချက်ဗျာ ကျနော့်ညီမလေးအတွက် စိတ်အေးရပြီဗျာ"
"ဟေ့ကောင် မြတင့် မင်းတော်တော် စကားများပါလားကွ"
"ဗျာ စိတ်မရှိပါနဲ့ အကိုကောက်ရိုးရယ် ညီမလေးအတွက် အပျော်လွန်လို့ပါ ရော့ဒီမှာ အကို့ရဲ့အလုပ်အတွက် လက်ကျန် နှစ်သောင်း"
"ငါ သိတယ် လျှာမရှည်နဲ့ မင်းလည်း လစ်တော့ ဒီနေရာကနေ"
ကြည့်ပါလား လူတစ်ယောက်ကို မျက်ခွက်ရိုက်လို့ ရလာတဲ့ ပိုက်ဆံတွေ။လောကကြီးက ငွေရှာရ လွယ်ပါတယ်ဗျာ ဟား ဟား ဟား။ဦးလေးငပွေးခဏခဏ ပြောဖူးသလို ကျနော်ထပ်ပြောမယ်ဗျာ ကျနော်နာမည် ကောက်ရိုး ရပ်ကွက်ထဲခေါ်ကြတာက လူမိုက်ကောက်ရိုး တဲ့ ဟား ဟား ဟား
------------------------------------------------------------------------------
အခန်း(၅)
မြူးကြွစွာ ပျံ့လွင့်နေသော တေးဂီတကြောင့် လူရွယ်အများစုမှာ ကခုန်နေသောလည်း ကျနော်ကတော့ ထိုအရာကို နှစ်ခြိုက်မှုမရှိ။ကျနော် ကလပ်လာတိုင်းလည်း ထိုသို့တစ်ခါမှ မကဘူးချေ။အေးဆေးစွာ ယမကာမှီဝဲနေပြီး သက်တောင့်သက်သာ ထိုင်နေသည်က ကျနော့်အတွက် စည်းစိမ်တစ်ခုလိုပင်။
"ကိုကောက်ရိုးတို့များ အမြဲတမ်းအေးဆေးပဲ ခ်ခ်"
ရုတ်တရက်ကျနော့်နားစည်ဝထဲသို့ အလွန်ရနံ့ပြင်းသော အမွေးရနံ့နဲ့အတူ မိန်းမချောလေးတစ်ယောက် ကျနော်ရင်ငွေ့နားတိုးကပ်စွာပြောသော အသံကိုကြားလိုက်ရသည်။အလိုက်သင့် သူမပခုံးလေးအား ကျနော်ဖက်လိုက်ရင်း
ဇာတ်သိမ်းပိုင်းမျော်ပေးပါရန်
ကြိုးစားပါအုံးမည်
လင်းလက်ကြယ်
〰〰〰〰〰〰〰〰〰〰〰〰〰〰〰〰〰〰
ကောက်ရိုး(ဝတ္တုတို)(ဇာတ်သိမ်းပိုင်း)
---------------------------------------------------
အခန်း(၅)
မြူးကြွစွာ ပျံ့လွင့်နေသော တေးဂီတကြောင့် လူရွယ်အများစုမှာ ကခုန်နေသောလည်း ကျနော်ကတော့ ထိုအရာကို နှစ်ခြိုက်မှုမရှိ။ကျနော် ကလပ်လာတိုင်းလည်း ထိုသို့တစ်ခါမှ မကဘူးချေ။အေးဆေးစွာ ယမကာမှီဝဲနေပြီး သက်တောင့်သက်သာ ထိုင်နေသည်က ကျနော့်အတွက် စည်းစိမ်တစ်ခုလိုပင်။
"ကိုကောက်ရိုးတို့များ အမြဲတမ်းအေးဆေးပဲ ခ်ခ်"
ရုတ်တရက်ကျနော့်နားစည်ဝထဲသို့ အလွန်ရနံ့ပြင်းသော အမွေးရနံ့နဲ့အတူ မိန်းမချောလေးတစ်ယောက် ကျနော်ရင်ငွေ့နားတိုးကပ်စွာပြောသော အသံကိုကြားလိုက်ရသည်။အလိုက်သင့် ကျနော်ဖက်လိုက်ရင်း
"ကိုက ရိုဆီလိုမှ မဟုတ်တာ အေးအေးဆေးဆေးပဲ ပွဲထိန်းပေးမယ် ပြီးရင် ဆက်ကြေးယူမယ် ဒါ ကိုတာဝန်ယူရမယ့် အလုပ်လေ"
"ဟုတ်ပါပြီ ကိုကောက်ရိုးရယ် ဒါပေမယ့် အခု ရိုစီနဲ့ ပထမဆုံးဖြစ်ဖြစ် တွဲကရအောင်ကွာ"
"မင်းဘာသာမင်း သွားကပါကွာ လိုအပ်တာရှိရင်ပြော ရွှေဆိုရင်ရွှေ ငွေဆိုရင်ငွေ အကုန်လုံးမင်းအတွက် ရှိတယ်"
"ခေါ်မရလည်းနေတော့ ကို့ဘာသာပဲ သွားတော့မယ် ဟွန်း"
လက်ခါကာ ကျနော် သွားတော့ဟူသော အမူအရာသာ ကျနော်ပြလိုက်သည်။ဘေးနားက ရယ်ကျဲကျဲလုပ်နေသော မိုးစက်က
"ဆရာကောက်ရိုးတို့များ မိန်းမတွေဟောတစ်ယောက် ဟောတစ်ယောက်နဲ့ ဘာလို့မိန်းမ မယူသေးတာလဲ"
"ဟေ့ကောင် မိုးစက် ငါ အပိုစကားတွေပြောတာ မကြိုက်ဘူးဆိုတာ မင်းမသိဘူးလား မင်းမှတ်ထား ငွေရှိရင် ဘာမဆိုလုပ်လို့ရတဲ့ခေတ်ကွ မင်းမှာဘာမှမရှိဘူးဆို လူတွေက အော်လိုက် ငေါက်လိုက်နဲ့ မြေနိမ့်ရာလှံစိုက်တဲ့သူတွေချည်းပဲ"
"ဟုတ် ဟုတ်ကဲ့ ဆရာကောက်ရိုး ကျနော်နောက်ဆို အပိုစကားတွေ မမေးတော့ပါဘူး"
"အေး မမေးနဲ့ ပြန်ရအောင်ကွာ ဒီနေ့တော့ ငါ့မျက်နှာဒီလောက်လာပြရင် အေးအေးဆေးဆေးပဲ ပွဲပြီးသွားလိမ့်မယ်"
"ဟုတ်ကဲ့ ဆရာကောက်ရိုး"
မခို့တရို့အပြုံးတစ်ခုဖြင့် မျက်နှာကျက်ကို ကြည့်ကာ ကျနော်ပြုံးလိုက်သည်။အော် လောကလောက မိုက်ပြမှ လူရာသွင်းကြတဲ့ စနစ်လား ဟား ဟား ဟား
------------------------------------------------------------------------------
"ဟေ့ကောင် မိုးစက် မင်းကားကို ခဏရပ်စမ်း"
"ဟုတ်ကဲ့ ဆရာကောက်ရိုး"
ကားရပ်သည်နဲ့ ယောင်္ကျားလေးသုံးယောက်က မိန်းကလေးတစ်ဦးအား မြင်မကောင်းအောင် နှောက်ယှက်နေသောနေရာသို့ ကျနော်အလျင်အမြန်ဆင်းသွားလိုက်သည်။
"ဟေ့ကောင်တွေ အဲ့ဒါ ဘာတွေဖြစ်နေတာတုန်း"
"ဟာ ကိုကောက်ရိုး ဘာမှမဟုတ်ပါဘူး ဒီမှာ ဈေးညှိနေတာပါ"
"ဘာ ရှင်လူစကားပြော ကျမကို ဘယ်အတန်းအစားထဲက မှတ်နေလဲ လွတ်ပါ အခု ကျမ လက်ကို"
"ဟေ့ကောင်တွေ မင်းတို့တရားလွန်ပြီကွာ
ခွပ် ဖြောင်း ဒုန့်"
စိတ်ထိန်း၍မရတော့သည်မို့ ထိုသုံးယောက်အား တစ်ယောက်တစ်ချက်စီ ပုံစံပေးလိုက်သည်။
"ဟေ့ကောင်တွေ လစ်မယ် လာမြန်မြန်လစ်ရအောင်"
"တော်တော်ကြောက်တတ်တဲ့ကောင်တွေ သုံးယောက်တစ်ယောက်ကို ပြန်ခုခံမယ်မရှိဘူး။တချိူးတည်းလစ်သွားတယ်"
အခုအနားမှာ ကျနော်နဲ့ထိုမိန်းကလေးသာ ကျန်တော့သည်။
"ဒီမယ်အမိ ခင်ဗျာကရော ဒီအချိန်ဘာလို့ ဒီမှာတစ်ယောက်တည်း ရှိနေရတာလဲ"
"ကျမဘာသာ ဘယ်လိုရှိရှိ ရှင်က ဘာလဲ ဆရာကြီးလား စောစောက သုံးကောင်သာ ရှင့်ကို ကြောက်ချင်ကြောက်မယ် ကျမကတော့ လုံးဝမကြောက်ဘူး ကျေးဇူးလည်း မတင်နိုင်ဘူး ကျမကို ကူညီပါလို့လည်း အကူအညီမတောင်းခဲ့ဘူးနော်"
"ဟာ မင်းဘယ်လို မိန်းကလေးမျိူးလဲ"
"ရှင်ထပ်ပြီးစပ်စုပြန်ပြီ ယောင်္ကျားကြီးတန်မဲ့နဲ့"
နားလည်ရခက်သော ထိုမိန်းကလေးအား ကျနော်အသေအချာကြည့်မိသည်။ဆံပင်က မတိုမရှည် မျက်နှာပြင်တစ်ခုလုံးဘာမှ လိမ်းခြယ်ထားခြင်းမရှိပေမယ့် အတော်ဆွဲဆောင်မှုရှိသော မိန်းကလေးဖြစ်သည်။အထူးသဖြင့် သူမ၏ ညာဘက်မျက်လုံးလေးအောက်က မျက်ရည်ခံမှဲ့လေးက ကျနော်၏ မျက်ဝန်းများကို ဆွဲခွာ၍မရအောင် ညို့ယူထားသည်။
"ရှင် ရှင်ဘာလို့ ကျမကို အဲ့လောက် စိုက်ကြည့်နေတာလဲ"
ရုတ်တရက် ကျနော်ဘာပြောရမှန်းမသိအောင် ဆွံ့အသွားသည်။ရှက်စိတ်တစ်ခုဖြင့် ပန်းနုရောင်သန်းသွားသော သူမမျက်နှာလေးအားလည်းအားတုန့်အားနာ ဖြစ်မိသည်။
"ဆောရီးဗျာ ကျနော် သတိလက်လွတ်ဖြစ်အောင် ငေးကြည့်မိသွားတယ် ဒါနဲ့ မင်းဘယ်သွားမှာလဲ အချိန်မနည်းတော့ဘူး ကိုယ့်ကားနဲ့ မင်းကို လိုက်ပို့ပေးမယ်"
"လာပြန်ပြီနောက်တစ်ယောက် ရှင်တို့ယောင်္ကျားလေးတွေက မိန်းကလေးတစ်ယောက်တည်းဆို အရမ်းကူညီချင်တာပဲနော် မလိုက်ဘူး ကျမမှာ ခြေထောက်ပါတယ် အခုလည်း ကားငှားနေတာ မငှားရသေးဘူး ဟိုလူသုံးယောက် လာနှောက်ယှက်တယ် အခု အဲ့ကိစ္စရှင်းသွားတော့ ရှင်လာပြန်ပြီ"
"အာ သဘောရိုးနဲ့ခေါ်တာပါ ဒီအချိန်က ကားငှားရခက်တယ်ကွ နာရီလည်း မင်းပြန်ကြည့်အုံး"
"မလိုဘူးလို့ ရှင့်ကို ပြောပြီးပြီ ကားငှားမရ လမ်းလျောက်ပြန်မယ် ရှင့်အကူအညီမယူဘူး"
"ဟာ မင်းဘယ်လိုမိန်းကလေးလဲ မင်းလမ်းလျောက်ပြန်တော့ စောစောကလို လူမျိူးတွေ တွေ့မှာ မကြောက်ဘူးလား"
သူမက မခို့တရို့ဖြင့် ကျနော့်ကို ပြုံးပြသည်။ပြီးမှ သူမဆုတ်ထားသော လက်အံဝှက်အတွင်းမှ
"တွေ့လား ဒီမှာ ဖျောက်"
ခလုတ်ဓားတစ်ချောင်း ထွက်လာသည်။ ကျနော်လည်း သူမကို စချင်လာသဖြင့်
"မင်းထိုးရဲလို့လား"
"ဒီမှာ ကျမက ဟိုမှာတွေ့လား ဆေးရုံ။အဲ့ဒီမှာ တာဝန်ထမ်းဆောင်နေတဲ့ နပ်စ်မ။သွေးသံရဲရဲ ကိစ္စတွေက ကျမအတွက် မဆန်းဘူး။ အခုလည်း အရေးကြီးကိစ္စရှိနေတဲ့ သူငယ်ချင်းကို အစားထိုးတာဝန်ယူပေးနေလို့ အခုလို နောက်ကျနေတာ
ဟော ဟိုမှာ တက္ကစီတစ်စီးလာပြီ"
ပြောဆိုရင်းသူမက တက္ကစီမောင်းသော သူနဲ့ခေတ္တမျှ စကားပြောဆိုပြီး ကားပေါ်သို့ တက်သွားသည်။ကျနော့်လည်း သူမထွက်သွားပြီဆိုမှ ရပ်ထားသော ကျနော့်ကားပေါ်သို့ ပြန်တက်သည်။
"ဆရာကောက်ရိုး အရင်ကဆို သူများကိစ္စတွေ သိပ်မပါဝင်ပေမယ့် အခုနက ကောင်မလေးနဲ့ကြတော့ စကားတွေအများကြီး ပြောနေတယ်နော်"
"မိုးစက်"
"ဗျာ"
"ငါလည်း ဘာဖြစ်နေမှန်း မသိဘူး တစ်ခါမှ အဲ့လိုမဖြစ်ဘူးဖူး စောနက သူတက်သွားတဲ့ ကားနောက်ကို မင်းအသာလေးနောက်ကလိုက်မောင်းကွာ ငါ သူဘယ်မှာနေလဲ သိချင်တယ်"
"ဟုတ်ကဲ့ ဆရာကောက်ရိုး"
မိုးစက်တစ်ယောက် တစ်ခါမှ လေသံအေးအေးဖြင့် စကားမပြောဘူးသော သူ့ဆရာကောက်ရိုးကို အလွန်အံ့ဩနေမိသည်။အချိန်သန်းခေါင်ယံတိတိ ရှိပြီးဖြစ်ကြောင်း သူ၏နာရီမှ အချက်ပေးသောအခါ သူ့ဆရာကောက်ရိုးမသိအောင် ပြုံးလိုက်မိသည်။သူကတော့ ရှေ့က တက္ကစီကားလေးအား မျက်ခြေမပြတ် မောင်းနှင်ရင်း.....
------------------------------------------------------------------------------
အခန်း(၆)
ကောက်ရိုးတစ်ယောက် အခုဆို အမည်မဲ့မိန်းကလေးနေသော ရပ်ကွက်၏ လမ်းထိပ်လက္ဘရည်ဆိုင်ထိုင်းရင်း သူ့ဘဝအကြောင်းကို သူပြန်သုံးသပ်နေသည်။သူမွေးကတည်းက လူမှန်းသိတတ်ကြအထိ ဘယ်လိုပုံစံဖြင့် နေခဲ့ရမှန်း သူမသိချေ။သူလူမှန်းသိလာတဲ့အရွယ်ရောက်တော့ သူ့အဖေက အရက်နဲ့အဆက်အသွယ် ပြတ်လို့မရသောသူ။ထိုအရက်ကြောင့်ပဲ သူ့ကိုစွန့်ခွာသွားခဲ့သည်။သူ့အမေက ဖဲဝိုင်းတကာ လိုက်ရိုက်တတ်တဲ့ မိန်းမတစ်ယောက်။သူ့အတွက်မိခင်မေတ္တာမပြောနဲ့ ထမင်းတောင် နပ်မှန်အောင် မကျွေးခဲ့။နောက် လိမ်လည်မှုတစ်ခုဖြင့် သူ့အမေထောင်ကျသွားသည်ဟုသာ သူကြားခဲ့ရသည်။အဆက်အသွယ်ပြတ်သွားခဲ့သလို သူလည်းတကူးတက လိုက်မစုံစမ်းတော့။ဖြစ်နိုင်ရင် သူအတွက် နာကျင်စရာ ကောင်းလှသောကလေးဘဝကို သူမေ့ထားသည်။ထို့ကြောင့် သူကလေးဘဝကနေသော ရပ်ကွက်သို့ ယောင်လို့တောင် ခြေဦးမလှည့်တော့ချေ။
နောက်သူ့အတွက် အလှည့်အပြောင်းဖြစ်ခဲ့သော ဦးလေးငပွေးနဲ့တွေ့ခဲ့သည်။ဦးလေးငပွေးက သူ့အတွက် အဖေတစ်ယောက်ဆိုလည်း မှန်သည်။သူ့ကိုအရာရာစောက်ရှောက်ခဲ့သလို လောကကြီးအား ဘယ်လိုရင်ဆိုင်ရန်လည်း သင်ပြပေးခဲ့သည်။ဦးလေးငပွေးထံတွင် တပည့်လုပ်လိုသော လူများစွာရှိသော်လည်း ဦလေးငပွေးက ငါကလူယုံသတ်မှာ သိပ်ကြောက်တာဟူဆိုပြီး သူ့တစ်ယောက်သာ အစစ အရာရာ ဂရုစိုက်ခဲ့သည်။ဦးလေး ငပွေး မဆုံးခင် သူ့ကို နာမည်ကြီးကလပ်တစ်ခုနဲ့ ဆက်သွယ်ပေးခဲ့သည်။ထိုကလပ်တွင် သူက တာဝန်ခံ။အစပိုင်းတွင် အစွယ်ဘယ်လောက်ရှိလို့လဲ ဟူသာ လူမျိူးတွေက သူ့ကို သွေးတိုးစမ်းကြသည်။သူ့ ဇကို ထုတ်ပြလိုက်သောအခါ အခုချိန် ကလပ်မှာ ကောက်ရိုးလာပြီဆိုတာနဲ့ ငြိမ်သက်သွားသည်။ကလပ်ပိုင်ရှင်တွေကလည်း နောက်ပိုင်း ရန်ပွဲဆိုတာ မရှိသလောက်ဖြစ်လာသဖြင့် ကောက်ရိုးကို တော်တော်အားကိုးသည်။သူ့အတွက် နေစရာအိမ် စီးစရာကား လိုအပ်သောပမာဏထက် ဘောက်ဆူးငွေတွေက ရရှိလာသဖြင့် အရင်ကလို ရပ်ကွက်ထဲက မိုက်ကြေးခွဲတာထက် သူ့ဘဝက ပိုအဆင်ပြေခဲ့သည်။သူအကြောင်းကို သူပြန်တွေးနေခိုက် ရုတ်တရက်သူမျော်လင့်နေသော အရာတစ်ခု၏ အရိပ်ကလေးကို တွေ့သွားသည်။
"ဟေ့ ညီလေးရေ ဒီမှာ ပိုက်ဆံရှင်းခဲ့ပြီ"
သူကျသင့်တာထက် ပိုမိုများပြားသော ငွေပမာဏကို စားပွဲပေါ်၌ ထားခဲ့ပြီး ဆိုင်အပြင်သို့ ရင်ခုန်နေသော ရင်အစုံဖြင့် ထွက်သွားလေသည်။
သူ့ကိုတွေ့တော့ သူမမျက်ဝန်းတွေ အံ့ဩတုန်လှုပ်နေတာ သူမြင်လိုက်သည်။
"ရှင် ရှင် ဘယ်လိုလုပ် ကျမနေတဲ့ရပ်ကွက်ထဲ လာတာလဲ"
"မင်းနဲ့တွေ့ချင်လို့ မင်းနဲ့သိချင်လို့ မင်းနဲ့ပတ်သက်ချင်လို့"
"ဘာာာ မဖြစ်ဘူး ကျမ ရှင်နဲ့မသိချင်ဘူး"
"ဟာ မင်းကလဲ ဆက်ဆံရေးခေါင်းပါးလိုက်တာ ကိုယ့်ဆီလာတဲ့ ဧည့်သည်ကို အဲ့လိုပဲ ဆက်ဆံရလား"
"ဒီမှာ ရှင် ကျမအကြောင်း ဘယ်လောက်သိလဲ ကျေးဇူးပြုပြီး ရှင်ပြန်ပါတော့ မဟုတ်ရင်"
"မဟုတ်ရင် ဘာဖြစ်လဲ ဆက်ပြောလေ ကိုယ်လည်း မင်းနဲ့တွေ့ချင်တဲ့ စိတ်ကို ထိန်းချူပ်လို့မှ မရတာ ကိုမင်းနဲ့သိချင်တယ် မင်းအကြောင်းကိုတော့ မင်းပြောပြမှ သိခွင့်ရမှာပါ"
"ဒီမှာ ရှင့်ဘာသာ ကျမအကြောင်းစုံစမ်း အခု ကျမအိမ်နားရောက်တော့မယ် ပြဿနာတစ်ခုခု မဖြစ်ခင် ရှင်ပြန်ပါတော့နော် ကျမ တောင်းပန်ပါတယ် ရှင်"
"အေးပါ ကိုယ်ပြန်မယ် ဒါပေမယ့် မင်းနာမည်တော့ ကိုယ့်ကိုပြောပြခဲ့"
"ကျမနာမည်ပြောပြမယ် ရှင်တကယ်ပြန်နော် နောက်လည်း ဒီကိုမလာပါနဲ့ ရှင်ကျမကို တွေ့ချင်တယ်ဆို ဆေးရုံကို လာခဲ့ပါ ဒီနေရာကိုတော့ နောက်ထပ်လုံးဝ မလာပါနဲ့ရှင်"
"အိုကေ ကိုယ်ကတိပေးတယ် နောက်ဒီနေရာကို လုံးဝမလာဘူးလို့ ကိုယ်ကတိပေးတယ်"
"ကောင်းပါပြီ ကျမနာမည် ဆောင်းကဗျာ ရှင်ပြန်တော့နော်"
"အိုကေ ကိုယ်ကတိတည်မှာပါ ကဲ ကိုယ်သွားပြီ မင်းအလုပ်လုပ်တဲ့ဆေးရုံကို ကိုယ်လာအုံးမယ် ကိုယ်ဒီအရွယ်ရောက်မှ သူများစကားနားထောင်တာ မင်းက ဒုတိယမြောက်ပဲ နောက်ပြန်ဆုံမယ် ဆောင်းကဗျာ"
သူလိုချင်သော အနေအထားမရောက်သော်လည်း သူမနဲ့ထပ်မံတွေ့ရအုံးမည့် အခွင့်အရေးက သူ့ကို ပျော်မြူးစေသည်။သူ့ရင်ခုန်သံတို့က ကစုန်ခုန်ပေါက်လျက်
------------------------------------------------------------------------------
ဂျူတီဘယ်အချိန်ပြီးမှန်း သူမသိသဖြင့် နေ့လည်ကတည်းက စောင့်နေရသည်။အခုဆို သူစောင့်နေတာ တနေ့တာပင်ကုန်ဆုံးတော့မည် လက္ခဏာအရောက်တွင် သူမျှော်လင့်နေသော ဆောင်းကဗျာကို ပန်းနုရောင်အင်္ကျီလေးဖြင့် တွေ့လိုက်ရသည်။ပုံမှန်အခြေအနေထက် ပိုခုန်နေသော သူ့ရင်အစုံကို ထိန်းသိမ်းလိုက်ပြီး သူမလာမည့်လမ်းမထက်တွင် သူရပ်စောင့်လိုက်သည်။သူ့ကို မြင်သွားဟန်တူသော သူမက အံ့ဩဟန်တစ်ချက်မပြပဲ
"ရှင် စောင့်နေတာ ကြာပြီလား"
"ဟိုး နေ့လည်ကထဲက ဆိုပါတော့ ဆောင်းကဗျာ ဒါပေမယ့် ကိုယ်အခု စောင့်ရကျိူးနပ်ပါပြီ"
"အဲ့တာတွေ ထားပါ အခု ကျမကို ဘာတွေပြောအုံးမှာပဲ"
"လမ်းမကြီးမှာ မကောင်းဘူး ကိုယ့်ကိုအချိန်တစ်နာရီလောက်ပေးပါ ဆိုင်တစ်ခုခုမှာ ကိုယ်မင်းနဲ့ စကားအေးဆေးပြောချင်တယ်"
"အင်း တစ်နာရီဆို ရပါတယ် ဒါပေမယ့် အဲ့ထက်နောက်ကျလို့မရဘူးနော်"
"အိုကေ ဒီနားက ကော်ဖီဆိုင်လေးကို သွားကြတာပေါ့ ကျေးဇူးတင်ပါတယ် ဆောင်းကဗျာ"
သူမဘေးနား ကပ်လျှောက်မိတော့ ကျနော့်ရင်ခုန်သံတို့သည် ထိန်းသိမ်းမရစွာ ဆူညံလှုပ်ရှားလျက် သူမကိုယ်သင်းရနံ့လေးကလည်း ကျနော့်အတွက် တစ်ခါမှ မဖြစ်ဘူးသော ခံစားချက်မျိူးဖြင့် ဖြစ်နိုင်မည်ဆိုလျှင် ကျနော်အချိန်တွေကို ရပ်တန့်လိုက်ချင်သည်။ကျနော်ဆုတောင်းမပြီးခင်မှာပဲ ကော်ဖီဆိုင်လေးသို့ ရောက်ရှိသွားသည်။ချောင်အနည်းငယ်ကျသော နေရာသို့ သူမတမင်ရွေးထိုင်သည်ကိုတော့ ကျနော်အနည်းငယ် အံ့ဩမိသည်။သိပ်မကြာခင် ထိုဆိုင်မှ ဝိတ်တာလေးက ကျနော်တို့ဝိုင်းကို ရောက်လာပြီး မီနူးစာအုပ်လေးကမ်းတော့ သူမတစ်ချက်မှ မကြည့်သလို ကျနော်လည်း မကြည့်တော့ပဲ
"ကာဖီချီနို"
ရုတ်တရက်ပြိုင်တူထွက်သွားသော ကော်ဖီတစ်ခွက်နာမည်ကြောင့် ကျနော့်စိတ်ထဲကြည်နူးသွားပေမယ့် အနည်းငယ်ရှက်သွားသော သူမမျက်နှာလေးအား ငေးကြည့်မိပြန်သည်။
"ဒီမှာ ရှင်ကျမကို အဲ့လောက်မကြည့်နဲ့လေ ကျမ မနေတတ်တော့ဘူး"
"ဗျာ ဟုတ်ကဲ့ ကျနော် တောင်းပန်ပါတယ်"
"ရပါတယ် ရှင့်ကိုကျမ တစ်ခုတောင်းပန်စရာရှိတယ် အဲ့တာက ရှင် ကျမနေတဲ့ ရပ်ကွက်ထဲ လုံးဝမလာပါနဲ့ ကိုကောက်ရိုး"
"ဟင် ကဗျာက ကျနော့်နာမည်သိနေတယ်"
ရုတ်တရက် ကျနော် သူမအားခေါ်ချင်သော နာမ်စားလေးအား ပြောင်းလဲခေါ်ဝေါ်လိုက်သည်ကို ကြည်နူးပေမယ့် ကျနော့်နာမည်ကို သိသော သူမအားလည်း အံ့ဩမိလေသည်။
"ရှင်က ဒီမြို့နယ်မှာ နာမည်အကြီးဆုံး လူမိုက်တစ်ယောက်ပဲ ရှင့်နာမည်မပြောနဲ့ ရှင့်အကြောင်းတော်တော်များများ ကျမသိတယ် ရှင့်နာမည်ကောက်ရိုး အလုပ်အကိုင်က လူမိုက်အလုပ် ပြီးတော့ မကောင်းတာမှန်သမျအကုန်လုပ်တဲ့သူ တပည့်တွေအများကြီးရှိပေမယ့် ရှင့်လူယုံတပည့်တစ်ယောက်နဲ့ပဲ အတူနေတယ် ကလပ်တစ်ခုကို စောင့်ရှောက်ပေးတယ် ကဲ ကျမပြောတာ မှန်လား"
ဘာတခွန်းမှ ကျနော်ပြန်မဖြေဘဲ ခေါင်းကို အသာအယာ ညိတ်ပြပြီးနောက်
"ကိုယ့်ကို ဘာလို့ ကဗျာရဲ့ ရပ်ကွက်ထဲ မလာခိုင်းတာလဲ"
"ရှင် ကျမအကြောင်းရော ဘာတွေသိလဲ"
"ကိုယ်သိတယ်လေ မင်းနာမည်က ဆောင်းကဗျာ ပြီးတော့ ကိုယ်မင်းနဲ့ ခင်မင်ချင်တယ်"
"ကုန်ပြီလား ရှင်သိတာ ဒီလောက်ပဲလား"
"အင်း ကို ဒီထက် ဘာမှ ပိုမသိဘူး ကဗျာပြောပြမယ်ဆို ကိုယ်နားထောင်ပေးပါ့မယ်"
"ကျမမှာ အကိုသုံးယောက်ရှိတယ် ရှင့်လိုတော့ နာမည်ထွက်လူမိုက်တော့ မဟုတ်ဘူး ဒါပေမယ့် သူ့ညီမနဲ့ပတ်သက်တဲ့ တစိမ်းယောင်္ကျားလေးမှန်သမျ သူတို့လက်ချက်နဲ့ တစ်ခုမဟုတ်တစ်ခု ဒုက္ခရောက်တာပဲ ပြောရမယ်ဆို သူ့ညီမအတွက်ဆို ကြိုးစင်တက်ရလည်း ဝန်မလေးတဲ့ လူမျိူးတွေ အဲ့တာကြောင့်လည်း ကျမအနားကို ခုထိ အကြောင်းသိတဲ့ ဘယ်ယောင်္ကျားလေးမှ မကပ်ဝံ့ဘူး"
"ကိုယ် ဂရုမစိုက်ဘူး ကဗျာ"
"ရှင်ဂရုစိုက်ရမယ် ရှင်လိုမျိူး လူမျိူးနဲ့ဆို အခြေအနေက ပိုဆိုးမှာ ပြီးတော့ ကျမ ရှင့်လိုလူမျိူးနဲ့ မပတ်သက်ချင်ဘူး"
"ကဗျာ အဲ့လိုတော့ မပြောပါနဲ့ ကိုယ်မင်းနဲ့ ခင်ချင်တယ် ကိုယ်ဘာပြင်ရမလဲ ကိုယ်ပြင်နိုင်တာဆို ပြင်ပေးမယ်လေကွာ"
သူမခေတ္တမျ ငြိမ်သက်သွားသည်။ပြီးတော့ ခေါင်းအသာအယာ ခါရမ်းလိုက်ပြီး
"ရှင် ပြင်နိုင်မှာ မဟုတ်ပါဘူး"
"ကဗျာပြောပါ ကိုယ်ပြင်နိုင်တယ်ဆို ပြင်ပေးမှာပါ"
"ရှင်တကယ် ကျမနဲ့ ဆက်ပတ်သက်ချင်တယ်ဆို ရှင့်အချိူးတွေ အကုန်ပြင်ရမယ် အခုအချိန်တစ်နာရီပြည့်ပြီ ကျမပြန်တော့မယ်"
"ကဗျာ ခဏလေး ကိုယ်ပြောစရာ ရှိလို့ ကိုယ်ဘယ်လိုလုပ်ရမလဲ အခုစဉ်းစားလို့မရသေးဘူး ဒါပေမယ့် ကိုယ်ပြင်နိုင်တယ်ဆို ကဗျာနဲ့ ဆက်ပြီးပတ်သက်ခွင့် ပေးနိုင်တာ သေချာတယ်နော်"
"ကျမ စကားကို ခုတမျိူး တော်ကြာတမျိူးမပြောတတ်ဘူး ကဲ ကျမသွားပြီ ကိုကောက်ရိုး"
ထွက်ခွာသွားသော သူမကျောပြင်လေးအား ငေးကြည့်ရင် ကျနော့်စိတ်တွေက ဗြောင်းဆန်နေလေသည်။ကျနော်နဲ့အခြေတကျဖြစ်နေသော ဘဝအားစွန့်ပစ်ရမည်လော သူမအား စွန့်လွှတ်ရမည်လော ဝေခွဲမရသော ခံစားချက်မျိူးဖြင့်....
------------------------------------------------------------------------------
အခန်း(၇)
မြူးကြွသော စိတ်တစ်ခုဖြင့် ကျနော်သူမကို စောင့်နေသည်။အခုဆို ကျနော်နဲ့သူမ အခြေအနေလား ပြောပြမယ်ဗျာ အခုဆို ကျနော်က လူမိုက်ကောက်ရိုးမဟုတ်တော့ဘူးဗျ ကျနော်နေတဲ့တိုက် ကျနော်စီးတဲ့ကား အားလုံးကို ပြန်အပ်ပြီး ကျနော်စုထားတဲ့ ပိုက်ဆံလေးနဲ့ ကျနော်ပျဉ်ထောင်အိမ်လေးတစ်လုံးဝယ်လိုက်တယ် အိမ်ရှေ့လေးမှာ ဈေးဆိုင်လေးတစ်ဆိုင်တည်ထားတယ် ပြီးတော့ အရင်လို မိုက်ကြေးခွဲတာတွေ မပြောနဲ့ အရက်တောင်ကျနော်မသောက်တော့ဘူး အားလုံးကို ကျနော့်ပြင်လိုက်ပြီ တချိူ့က မယုံကြည်ပြဘူးဗျာ ပတ်ဝန်းကျင် ဆိုတာကလည်း ချီးမွမ်း ခုနှစ်ရက် ကဲ့ရစ် ခုနှစ်ရက်လေဗျာ။လူအနည်းငယ်ကတော့ ခုထိမယုံကြသေးပေမယ့် အရေးကြီးတာ ကျနော်ပြောင်းလဲသွားတာ ကျနော်သိတယ် ကဗျာလည်းသိတယ် ဒါဆို အားလုံးပြီးပြီလေဗျာ ဘာထပ်လိုသေးမှာမို့လဲ။
သူမကပဲ ကျနော့်ကို ပုံသွင်းပြုပြင်ခဲ့တဲ့ ကျနော့်မီးအိမ်ရှင်လေးပေါ့။ဒီနေ့ဆို သူမက ကျနော့်ကို ဘုရားရင်ပြင်တော်မှာ အဖြေပေးမယ်တဲ့လေ။လွယ်တော့မလွယ်ဘူးဗျိူ့ ကျနော်ပြုပြင်ပြောင်းလဲပြီး တစ်လအကြာထဲက ချစ်ရေးဆိုထားတာ ဒီနေ့ဆို ခြောက်လပြည့်ပြီ။ဒီအချိန်ဆို ကျနော်က သူမရဲ့ဂျူတီလွှတ်ချိန်ကို ကြိုရတဲ့ ဖယ်ရီလူသားလို့ သူမနောက်ပြောင်ပြီး ခဏခဏ ပြောတယ်။ကျနော်လည်း ဘယ်ရမလဲ သူမဆီက ဖယ်ရီခအဖြစ် အချိန်တစ်နာရီ နေ့တိုင်းယူပစ်တာဗျ။သူမစကားတွေဆို အမြဲနားထောင်တတ်တဲ့ ကျနော့်ကို သူမမျက်စောင်းလှလှလေးတွေအမြဲလက်ဆောင်ပြန်ပေးတတ်သေးတယ်။ကျနော်ဘယ်လောက်အလုပ်များများ သူမဂျူတီလွတ်ချိန်ဆို ကျနော်နဲ့အတူ ပြောင်းလဲခဲ့တဲ့ ကျနော့်သူငယ်ချင်း မိုးစက်နဲ့ အကုန်လွှဲပေးခဲ့တာ။အော် မိုးစက်က ကျနော့်တပည့်မဟုတ်တော့ဘူးနော်။ကျနော့်ရဲ့ အရင်းနှီးဆုံး သူငယ်ချင်းဖြစ်သွားပြီဗျ။ဩော် မြန်မာကားတွေထဲကလိုပြောရရင်တော့ ပြောရင်းဆိုရင် အင်္ကျီအပြာရောင်လေးနဲ့ သူမထွက်လာပြီ အရင်လိုပဲ ကျနော်လည်းရင်တွေထိန်းမရအောင် ခုန်လာပြန်ပြီဗျာ
"ကဲ ကိုကောက်ရိုး ဒီနေ့မှိုရထားတဲ့ မျက်နှာနဲ့ပါလား"
"ကဗျာနော် ရူးချင်ယောင်မဆောင်နဲ့ ဒီနေ့ဘာနေ့လဲဆိုတာ သိရဲ့သားရဲ့"
"သိတယ်လေ ဒီနေ့က အင်္ဂါနေ့ ခ်ခ်"
"အာကွာ ဆေးရုံရှေ့မှာ ဆွဲလားရမ်းလား မလုပ်ချင်ဘူး လာ ဘုရားသွားမယ် ဘတ်ကားဂိတ်သွားမယ်လာ"
သူမလက်ကို ညာတာပါတေးလှမ်းဆွဲတော့ လည်လွန်းသော သူမက အသာအယာရှောင်ပြီး ဘတ်ကားဂိတ်သို့ သုတ်သုတ် သုတ်သုတ်နဲ့ထွက်သွားသည်။တော်တော်မလွယ်တဲ့ ကျနော့်ကဗျာလေးပါ။
------------------------------------------------------------------------------
အေးချမ်းလှသော ရင်ပြင်တော်ထက်၌ လတ်ဆတ်သော လေတချိူ့က သူမဆံနွယ်များအား ကျီစားလျက်ရှိသည်။အခုထိ စကားမဟသေးသော သူမကို ကျနော် အသည်းယားစွာဖြင့်
"ကဗျာ"
"ရှင်"
"ကဗျာဆီက ကိုယ့်ကို ချစ်ပါတယ်ဆိုတဲ့ စကားကြားချင်နေပြီ"
"အောင်မာ ရှင့်ကို အဖြေပေးမယ်ပဲပြောထားတာပါနော် ဘယ်သူက ချစ်တယ်ဆိုတဲ့စကားကို ပြောပါ့မယ်လို့ ပြောလို့လဲ"
"ဟာ ဒီအချိန်ရောက်မှ ကို့ကိုမချစ်ဘူး ဆိုလို့ကတော့ ကိုယ့်ကိုကိုယ် အပ်ချည်ကြိုးနဲ့ ကြိုးဆွဲချ သေလိုက်မှာ"
"ဟင် ခ် ခ် ကိုကောက်ရိုးနော် ဒီအခြေအနေထိရောက်နေပြီ ကဗျာ့ရင်ထဲမှာ ဘယ်လိုသဘောထားမှန်း ရှင်မသိဘူးလား"
"သိတော့သိတာပေါ့ ဒါပေမယ့် ကဗျာ့နှုတ်ဖျားက ပြောတာကို ကြားချင်တယ်"
"ဟုတ်ပါပြီ ကဗျာ ပြောပါ့မယ် ဒါပေမယ့် အခုက ဘုရားရင်ပြင်တော်မှာ အောက်ပြန်ရောက်တဲ့အခါ ပြောမယ်နော်"
"ဟာကွာ လုပ်ပြန်ပြီ ပထမက...."
"ဘာလဲ ဒါလေးတောင် မစောင့်နိုင်တော့ဘူလား ကဗျာစကားကို နားထောင်မယ်ဆို"
ကျနော်စကားမဆုံးချင် ဖြတ်ပြောသော သူမကို ကျနော်အသည်းယားပါသည်။အခုလည်းကြည့် ဘုရားအပေါ်မှဆင်းမှ အဖြေပေးမယ်တဲ့ဗျာ။ဘယ်တတ်နိုင်မလဲ ကျနော်က သူမကို အရမ်းချစ်တာကိုး...........
------------------------------------------------------------------------------
အခန်း(၈)
လွင့်ပျံ့လာသော အင်္ဂလိပ်သီချင်းအေးအေးလေးက သူမနဲ့ထိုင်နေကြ ကော်ဖီဆိုင်ထဲတွင် သာယာငြိမ့်ညောင်းစွာ ထွက်ပေါ်နေသည်။
"ကဗျာ"
"ရှင်"
"ကိုယ့်ကို အဖြေပေးတော့လေ"
"ဟုတ်ကဲ့ ဒါပေမယ့် ကဗျာပြောရမှာ ရှက်နေလို့"
"ကဗျာနော် မညစ်ပတ်နဲ့တော့ကွာ"
"ကိုယ်ကောက်ရိုးကို ကဗျာလေ ဟိုဒင်း"
"အာ ဘာဟိုဒင်းလဲ"
"ဟာကွာ ရှက်တယ်ကွာ ကိုယ့်လက်မှာ ကဗျာရေးပေးမယ် ပြောရမှာ မရဲဘူး"
"ဟူး အာ့ဆိုလည်း ရေပေး ရော့လက်"
"မျက်စိမှိတ်ထား ဖွင့်မကြည့်ရဘူး"
"အင်း"
ပထမဆုံး သူမလက်ဖျားလေးက ကျနော်လက်ကိုလာထိတော့ တစ်ခါမှမခံစားဘူးသော ကြည်နူးခြင်းတစ်ခုက အမှောင်တစ်ခုထဲတွင် ကျနော်ခံစားနေရသည်။သူမစာလုံးတစ်လုံး ရေပြီးချိန်တွင် ကျနော့်လက်ဆီက နာကျင်သော ဝေဒနာတစ်ခု ခံစားလိုက်ရသည်။ကျနော်မျက်လုံးအလျင်အမြန်ပြန်ဖွင့်ချိန်တွင် ကြောက်ရွံ့ထိတ်လန့်နေသော ကဗျာမျက်နှာနဲ့ ကျနော်မသိသော တစိမ်းယောင်္ကျားလေးတစ်ယောက်၏ မျက်နှာကို တွေ့လိုက်ရသည်။
"မိဆောင်းကဗျာ ဒါက ဘယ်လိုတွေဖြစ်နေကြတာလဲ"
"ကိုလေး ကော်ဖီဆိုင်ထဲမှာ စိတ်ထိန်းပါ"
"ဟေ့ကောင်ကောက်ရိုး မင်းဘာအကြံအစည်တွေနဲ့ ငါ့ညီမနား ကပ်နေတာလဲ"
"မဟုတ်ဘူး အစ်ကို ကျနော်ရှင်းပြပါရစေ"
"ဘာမှ မရှင်းပြနဲ့ လာမင်းတစ်ယောက်တည်း ဆိုင်အပြင်လိုက်ခဲ့"
အခြေအနေက ထင်ထားတာထက် ပိုတင်းမာနေသည်။ကျနော့်သူ့အကိုဆိုသော သူနဲ့ပြဿနာမဖြစ်ချင်ပါ။သု့အကိုမပြောနဲ့ တခြားတစ်စုံတစ်ယောက်နဲ့လည်း ဘာပြဿနာမှ မဖြစ်ချင်ပါ။ကဗျာက ရန်မဖြစ်ရဘူးဟု မှာထားသည်။ဘာပဲဖြစ်ဖြစ် အခု ကျနော် သူမအကိုခေါ်တဲ့အတိုင်း ဆိုင်အပြင်သို့ လိုက်သွားသည်။ ကျနော်တစ်ယောက်တည်းခေါ်သော်လည်း ကဗျာလည်း ကျနော်နောက်က လိုက်လာနေမှန်း ကျနော်သိတော့ စိုးရိမ်သည့်ဝေဒနာတစ်ရပ်ကို ခံစားလိုက်ရသည်။
ဆိုင်အပြင်သို့ရောက်တော့ ကျနော့်အားလာခေါ်သောသူ့အကိုတစ်ယောက်နဲ့အတူ အဖော်နှစ်ယောက်ပါ ကျနော်တွေ့လိုက်သည်။သူတို့ကိုမြင်သွားတော့ ကဗျာက
"ကိုကြီး နဲ့ ကိုငယ်ပါ ပါလာတာလား အကို့တို့ကို ညီမလေး တောင်းပန်ပါတယ်နော် ဒီကိစ္စကို ပြေပြေလည်လည် ဖြေရှင်းပေးကြပါ"
"မိဆောင်းကဗျာ နင်ဒီကိစ္စ ဝင်မပါနဲ့ ဟေ့ကောင်ကောက်ရိုး မင်းနဲ့ငါ့ညီမ တူလို့လား တန်လို့လား မင်းလိုလူမိုက်တစ်ယောက်က အခြာမိန်းကလေးတွေတစ်ပုံကြီးကို ငါ့ညီမနဲ့မှ လာပတ်သက်တာဆိုတော့ ယောင်္ကျားချင်း ရင်ဆိုင်ဖြေရှင်းရအောင်ကွာ ရော့ကွာ ခွပ်"
ကျနော်မေးရိုးဆီသို့ အားပါလှသော လက်သီးတစ်ချက်ကို သူမအကိုအကြီးဆုံးထံမှ လက်ခံလိုက်ရသည်။အသားနာကျင်သောကြောင့် ကျနော့်သွေးများ ပွက်ပွက်ဆူလာသောလည်း ကျနော်ချစ်သော ကဗျာ၏စကားတစ်ခွန်းကြောင့် ဘာမှမဖြစ်သလိုဟန်ဖြင့်
"အကိုတို့ ကျနော် အရင်လို ဆိုးပေမမိုက်တော့ပါဘူး ကျနော်အကိုတို့ညီမကို မေတ္တာစစ်မေတ္တာမှန်နဲ့ ချစ်မြတ်နိုးတာပါ ကျနော်တို့ကို သဘောတူပေးပါလို့ ကျနော်ဒူးထောက်ပြီး တောင်းဆိုပါရစေ"
"ထွီ" "ခွပ်" "ဘုတ်"
ကျနော်မျက်နှာတစ်ခုလုံး တံထွေးဖြင့် အထွေးခံရသလို ပြင်ထန်လှသော လက်သီးတစ်ချက်က နှစ်ခေါင်းထိပ် ဒူးထောက်ထားပေမယ့် ရင်ဘတ်တစ်ခုက ခြေထောက်ဖြင့် အကန်ခံလိုက်ပြန်သည်။နှာခေါင်းထိပ်မှ သွေးတချိူ့စီးဆင်းလာသည်ကို မြင်သော ကဗျာက မျက်ရည်တွေကျဆင်းလျက်
"အကိုတို့ရေ သူအရင်လို မဟုတ်တော့ပါဘူး အခုလည်း အကိုတို့ပြုသမျကို သူငြိမ်ခံနေတာပဲ ညီမလေးတို့ ချစ်ခြင်းကို မခွဲကြပါနဲ့နော် ညီမလေးတောင်းပန်ပါတယ် ဟီး ရွှတ် ရွှတ်"
"မိဆောင်းကဗျာ နင်ဘာဆေးတွေ မိသွားလို့ ဒီလောက်ဖြစ်နေတာလဲ ကြာပါတယ်ကွာ ကိုကြီး နဲ့ ကိုလေး အဲ့ကောင်လက်နှစ်ဖက်ကို သေချာချူပ်ထားဗျာ"
အရောင်တလက်လက်ဖြင့် ခြောက်လက်မခန့်ရှိသည့် ဓားမြှောင်တစ်ချောင်းကို ကျနော်တွေ့လိုက်ရသည်။ကျနော်လက်နှစ်ဖက်လည်း တင်းကျပ်စွာ ကိုင်တွယ်ခြင်းခံလိုက်ရသောအခါ မျက်စိအစုံမှိတ်၍ ဖြစ်ချင်ရာသာ ဖြစ်တော့ဟူသော သဘောထားခိုက်တွင်
"စွတ်" "ဟင်..ညီမလေး"
ရုတ်တရက် ကျနော့်ကို ကိုင်တွယ်ထားသော လက်များပြေလျော့သွားသည်။ကျနော်ရှေ့တည့်တည့်တွင် အလွန်နာကျင်သော ဝေဒနာတစ်ခုဖြင့် ကျနော့်ကို ပြုံးပြနေသည် ကဗျာ
"ကဗျာ ကဗျာ ဘာလို့ဒီလို လုပ်ရတာလဲကွာ"
သူမအား ပွေ့ဖက်ရင်း မငိုတာကြာပြီဖြစ်သော ကျနော့်မျက်ရည်တွေက တာဆီးမရ
"ကဗျာရယ် ဖြစ်ရလေကွာ သူတို့သေစေချင်တာ ကိုယ့်ကိုပါ ကဗျာကဘာလို့ ဝင်ခံပေးတာလဲ ဆိုးပေမိုက်ခဲ့တာ ကိုယ်ပါ ကဗျာရာ အဲ့လိုမလုပ်ခဲ့သင့်ဘူးကွာ ခုတော့ ဟီး ရွှတ် ရွှတ်"
"ကို...ကို...ကောက်....ကောက်...ရိုး"
"ပြောလေ ကဗျာ ကဗျာကိုယ့်ကို ဘာပြောချင်လဲ ပြောချင်တာ ပြောလေကဗျာ"
"ကို...ကိုကို...လို့ ခေါ်....ခေါ်နေမိ.....မိတယ်...က....ကဗျာ.....စိတ်....စိတ်ထဲမှာ...ကိုကို.....ကိုဆက်.....ဆက်....ပြီး....ပြီး....လိမ္မာ....မာ...ပါ့မယ်....မယ်လို့....က....ကဗျာ.....ကိုက....ကတိ....ပေး....ပေးပါနော်"
"ကဗျာရယ် ဟီး..ရွတ်...ရွတ်"
"ကို...ကိုကို့...ကို....က...ကဗျာ....ချစ်.....ချစ်....ပါ....ပါတယ်"
သူမဇာတ်လေးအစောင်းတွင် ဝင်သက်ထွက်သက်မဲ့သွားသော သူမ ခန္ဓာကိုယ်လေးအား ကျနော်အသာအယာချလျက်
"ကဗျာရယ် ကို့ကို ဒီတစ်ခါလောက်ပဲ မိုက်ခွင့်ပြုပါ ကိုယ့်ကို ခွင့်လွှတ်ပေးပါ"
"ကဲ ခင်ဗျားတို့ညီမက သူ့အသက်နဲ့ပေးပြီး ကျနော်လိမ္မာကြောင်း သက်သေပြခဲ့ပေမယ့် ခင်ဗျာတို့နဲ့တော့ ကျူပ် မိုက်ပြရမှာပေါ့"
"ကောက်ရိုး ဒါ ငါတို့ညီမလေးပါ"
"ငါတို့အရမ်းမှားသွားတယ် ကောက်ရိုး"
"ငါတို့ကို ခွင့်လွှတ်ပေးပါ ကောက်ရိုး"
"ခင်ဗျာတို့ ပါးစပ်တွေပိတ်ထား လာဗျာ ယောင်္ကျားချင်းယှဉ်မယ်ဆို"
ခမ်းလှမ်းလှမ်းတွင်ရှိသော တုတ်ပိုင်းအား ကျနော်ဆွဲယူခိုက် ကျနော့်လက်အား တစ်စုံတစ်ယောက်ဆွဲယူခြင်းကို ခံလိုက်ရသည်။
"ဟင် အမေ မဟုတ် ဆရာလေး"
"ဒကာလေး ဆရာလေးက လွန်ခဲ့တဲ့ ဆယ်နှစ်ကျော်လောက်က ဒေါ်ခင်ကြည်ဆိုတဲ့ အမျိူးသမီးမဟုတ်တော့ပါဘူး ရွှေငွေ လိမ်လည်မှုနဲ့ ထောင်ငါးနှစ်ကျပြီး ပြန်အလာ လင်ယောင်္ကျားကဆုံး တစ်ဦးတည်းသောသားက ပျောက်ချင်းမလှပျောက် နေစရာစားစရာ မရှိ အပူမီးတွေ ဝိုင်းနေတတ်တဲ့ လောကီကို စိတ်ကုန်ပြီ သီရိခေမာ ဆိုတဲ့ ဘွဲ့အမည်နဲ့ ဘုရားအရိပ်မှာ ရာသက်ပန်ခိုလှုံနေခဲ့တာကြာပါပြီ အကြောင်းတရားရှိလို့ အကျိူးတရားဖြစ်လာတယ် လောကဟာ ဖြစ်ပြီးရင်ပျက်တတ်သလို ပျက်ပြီးရင် ဖြစ်တတ်ပါတယ် အရာအားလုံးကံစီမံရာတွေပေါ့ ဒကာလေး သူတပါးကိုခွင့်လွတ်ခြင်းဟာ အကြီးမားဆုံး အောင်မြင်ခြင်းပါကွယ်"
လက်ဆယ်ဖြာထိပ်မှာမိုးပြီး ဆရာလေးအား ကျနော်ကန်တော့လိုက်သည်။တားဆီးမရသော မျက်ရည်တချိူ့ကလည်း ထွေထွေကြလျက်။တလှမ်းချင်းထွက်ခွာသွားသော တချိန်က အမေတော်စပ်ခဲ့ဖူးတဲ့ ဆရာလေး သီရိခေမာလည်းကျနော်မြင်ကွင်းထဲမှ ဝိုးတိုးဝါးတား။ဆေးရုံကားအော်သံတွေဖြင့် ကျနော့်ချစ်ရသော ကဗျာ၏ ရုပ်အလောင်းကလည်း ကျနော်နဲ့ဝေးကွာခဲ့သလို တာဝန်ရှိပြည်သူ့ရဲများကလည်း ကဗျာ့အကိုသုံးယာက်အား ဖမ်းဆီးသွားခဲ့ပြီဖြစ်သည်။ကျနော်ကတော့ "ချစ်" ဆိုတော့ ဘောပင်မှင်ရာလေးအား ငေးကြည့်နေလျက် ထိန်းသိမ်းမရသော မျက်ရည်များစွာဖြင့်...........
(ထိုမြင်ကွင်းအား ခပ်လှမ်းလှမ်းတစ်နေရာတွင် ကျေနပ်လှသော အပြုံးတစ်ခုဖြင့် ကဗျာ့အကိုသုံးယောက်အား သတင်းပေးခဲ့သော ရိုစီဆိုသောမိန်းကလေးတစ်ဦးအား မည်သူတစ်ဦးတစ်ယောက်မှ သတိမထားမိလိုက်ချေ)
------------------------------------------------------------------------------
ပူပြင်းလှသော နေရောင်တစ်ခုကို အံတုလျက် ခြေဗလာတစ်စုံဖြင့် အနက်ရောင်သပိတ်တစ်လုံးအားပိုက်ကာ ရွှေဝါရောင်သင်္ဃန်းအားခြုံရုံလျက် အပူအပင်စိုးစဉ်းမှမရှိသော ဦဇင်းတစ်ပါးသည် အခုအခါတော့ လောဘ ဒေါသ မောဟ များကင်းဝေးလျက်ရှိသည်။ထိုဦးဇင်းလေးသည် တချိန်က မိဘမဲ့ နေစရာမဲ့ သော မောင်ကောက်ရိုးမဟုတ်တော့သလို လူအချင်းချင်းမိုက်ကြေးတောင်း ခေါင်းပေါ်မှာ ဂျိူမပေါက်ပေမယ့် မင်းလားကွ လူမိုက်တွေပေါ်ဗိုလ်လုပ်ခဲ့သော လူငယ်လေးကောက်ရိုး လည်းမဟုတ်တော့။အချစ်စစ်တစ်ခုအကြောင်းပြ မိုက်မဲလှတဲ့လူမိုက်ကို စွန့်လွှတ်ကာ ချစ်သူရဲ့အလိုကျ လူလိမ္မာအဖြစ်ပြောင်းလဲခံသူ ချစ်တတ်သော ကိုကောက်ရိုးလည်း မဟုတ်တော့ချေ။အခုအခါတွင် သာသနာအရိပ်တွင် ခိုလှုံ ရာသက်ပန် ဘုရားသားတော်အဖြစ်သူခံယူ တည်ငြိမ်အေးချမ်းလှသော ဘဝတစ်ခုဖြင့် ဦးဇင်းလေး အရှင်ကောပိတ တစ်ယောက်သာ ဖြစ်ပေတော့သည်။
ကြိုးစားပါအုံးမည်
လင်းလက်ကြယ်
(စိတ်ကူးခံစား ရေးဖွဲ့သည်)
Credit - လင်းလက် ကြယ်
No comments:
Post a Comment